Տնտեսություն
11.06.2018 | 17:41ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանի խոսքով, երբ Կառավարությունը կգնահատի այն ռիսկերը, որոնք կան՝ կապված ատոմակայանի և Երևանի ՋԷԿ-ի հետ, դրանից հետո նոր կկարողանա ամբողջացնել, թե անապահով ընտանիքներից բացի՝ հասարակության մյուս հատվածի համար հոսանքի և գազի սակագները կնվազե՞ն, թե՝ ոչ։
Այս մասին այսօր Կառավարության նիստից առաջ լրագրողների հետ զրույցում ասաց նախարարը՝ նշելով, որ սակագնի փոփոխության հետ կապված պետք է որոշում կայացնի ոչ թե Կառավարությունը, այլ Հանրային ծառայությունները կարգավորող հանձնաժողովը, ուստի մոտավոր ժամկետներ այս պահին չի կարող նշել։
Հարցին՝ հնարավոր է Փաշինյան-Պուտին հանդիպման ընթացքում բանակցություններ սկսվեն գազի գնի հետ կապված, նախարարը պատասխանեց, որ այս պահին չկա նման որոշում, սակայն այդ քննարկումները ռուսական կողմի հետ կսկվեն տարվա վերջին։
Նախարարը նաև նշեց, որ գազի սակագնի հետ կապված բանակցություն են սկսելու նաև իրանական կողմի հետ։
Մանրամասները՝ տեսանյութում։
