30.10.2026 | 09:30
ՀՀ դեսպանն ԱՄՆ-ում ներկայացրել է Հայաստանի ներդրումային հնարավորությունները
ՌԴ-ն պատրաստ է ԼՂ-ից հեռանալ․ ասել են Արցախի պաշտոնյաներին՝ չկա երաշխիք, որ 2025-ից հետո կմնան․ Դավիթ Ստեփանյան. ՏԵՍԱՆՅՈՒԹ
Քաղաքականություն
23.12.2022 | 22:17
«Լաչինի միջանցքի փակումը վկայում է, որ ՌԴ-ն այլևս չի կարողանում Արցախում իրագործել իր պանը։ Լավրովի պլանը մտել է փակուղի հենց ՌԴ-ի մեղքով։ ՌԴ-ն չի հաշվարկել իր ուժերը՝ մտել է պատերազմի մեջ Արևմուտքի դեմ, ինչը ռուսական իրական շահերի հետ որևէ եզր չունի։ Ես վստահ եմ՝ ՌԴ-ի իրական թշնամին Թուրքիան է, Արևմուտքը չէ։ Արևմտյան ոչ մի երկիր չի ցանկանում ՌԴ-ից տարածք վերցնել»,- Factor TV-ի հարցազրույցում ասում է Միջազգային և անվտանգության հարցերի հայկական ինստիտուտի ասոցացված փորձագետ Դավիթ Ստեփանյանը։ Նա կասկած չունի, որ մի քանի տարուց ՀՀ-ն ստիպված է լինելու առերեսվել Արցախում անվտանգության վակուումի փաստի հետ, և հենց այսօրվանից է անհրաժեշտ պատրաստվել այդ օրվան․
«ՌԴ-ն այսօր այն վիճակում է, երբ ինքը հեգեմոն չէ, Թուրքիան է աստիճանաբար ռեգիոնում դառնում հեգեմոն։ ՌԴ-ն է Թուրքիային 44-օրյա պատերազմի ժամանակ բերել այս ռեգիոն։ Թուրքիայի և ՌԴ-ի հարաբերություններում երկրորդ դերում է ռուսական կողմը»։
Չկարողանալով ապահովել անվտանգություն ո՛չ Արցախում, ո՛չ ՀՀ-ի տարածքի վրա ադրբեջանական հարձակման ժամանակ՝ ՌԴ-ն կանաչ լույս վառո՞ւմ է հայկական կողմի առաջ, որ կարևոր խնդիրներ լուծի՝ Արցախում հերթական ցեղասպանություն թույլ չտա, և երկրորդ՝ ՀՀ-ն կարողանա կառուցել անվտանգային սուվերեն համակարգ, որը կբավարարի հայկական անվտանգային կարիքները։ Դավիթ Ստեփանյանը պատասխանում է․
«Կանաչ լույս է տալիս այն առումով, որ ՌԴ-ն, մեծ հաշվով, պատրաստ է 2025 թվականին հեռանալ Արցախից։ Ես այդպես եմ տեսնում իրավիճակը։ ՌԴ-ն վստահ չէ իր ուժերին, և չկա որևէ հանգամանք, որը թույլ կտա նրան ճնշում գործադրել Ադրբեջանի վրա, որ Բաքուն չպահանջի 2025-ին զորքերը դուրս գան Արցախից։ Պատային իրավիճակ է լինելու, և ես ինչքան գիտեմ՝ ռուսներն արդեն արցախցիներին ասել են, որ որևէ վստահություն չկա, որ 2025-ից հետո շարունակելու են մնալ Արցախում։ ՀՀ-ն պետք է հասկանա՝ ինչ է անում այս իրավիճակում»,- հարց բարձրացրեց փորձագետը։
Ըստ նրա՝ ՀՀ-ն պիտի աշխարհի աչքին երևալ իբրևէ ՌԴ-ի արբանյակ պետություն, և ԱՄՆ-ի, Ֆրանսիայի և մյուս գործընկերների հետ հարաբերություններում օգնություն խնդրողի դերից անցում կատարի գործընկերոջ կարգավիճակին։
Հարցազրույցն ամբողջությամբ՝ տեսանյութում։
Ռոբերտ Անանյան
