25.06.2026 | 12:19
ԵՏՄ-ն ինքնալուծարման մասին է հայտարարում, եթե ԵՏՄ մի անդամ կարա մյուսի նկատմամբ սենց որոշում կայացնի․ ՏԵՍԱՆՅՈՒԹ
ԱԺ-ն Վճռաբեկ դատարանի դատավորներ ընտրեց․ ՏԵՍԱՆՅՈՒԹ
Քաղաքականություն
21.12.2022 | 14:41
ՀՀ ազգային ժողովը փակ գաղտնի քվեարկությամբ ընտրեց Վճռաբեկ դատարանի հակակոռուպցիոն և վարչական պալատների դատավորներ:
Դեկտեմբերի 21-ի ԱԺ արտահերթ նիստում փակ քվեարկության արդյունքները հայտնեց Հաշվիչ հանձնախմբի նախագահ Նարեկ Բաբայանը:
ԲԴԽ-ն Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավորի թափուր տեղի համար առաջադրել էր Լուսինե Աբգարյանի, Ռուբիկ Մխիթարյանի և Դավիթ Վեքիլյանի թեկնածությունները:
ԱԺ 107 պատգամավորներից քվեարկությանը մասնակցել են 70-ը, քվեատուփում առկա է եղել 69 քվեաթերթիկ:
Բոլոր 69 պատգամավորներն էլ կողմ էին քվեարկել Դավիթ Վեքիլյանի թեկնածությանը:
ԲԴԽ-ն Վճռաբեկ դատարանի հակակոռուպցիոն պալատի քաղաքացիական գործերի քննության դատական կազմի դատավորի թափուր տեղի համար առաջադրել էր Լիզա Գրիգորյանի, Լիլիթ Խաչատրյանի և Արման Կուրեխյանի թեկնածությունները:
Քվեարկությանը մասնակցել են 70 պատգամավոր, բոլորն էլ կողմ են քվեարկել Արման Կուրեխյանի թեկնածությանը:
ԲԴԽ-ն Վճռաբեկ դատարանի վարչական պալատի դատավորի թափուր տեղի համար առաջադրել էր Արման Թովմասյանի, Վահագն Թորոսյանի և Արգիշտի Ղազարյանի թեկնածությունները:
Քվեարկությանը մասնակցել են 70 պատգամավոր, որոնք բոլորն էլ կողմ են քվեարկել Արման Թովմասյանի թեկնածությանը:
Մանրամասները՝ տեսանյութում։
