13.09.2026 | 20:00
Ո՞վ կարող է տուն առնել Երևանում․ անշարժ գույքի շուկայի «անհասանելի» ՇԵՐՏԵՐԸ․ ՏԵՍԱՆՅՈՒԹ
Իլհամ Ալիևը կնոջ հետ մասնակցել է սեփական հյուրանոցի բացմանը՝ դա ներկայացնելով որպես հանրային միջոցառում
Քաղաքականություն
19.12.2022 | 23:31
Ադրբեջանում Ալիևների ընտանեկան շոուն շարունակվում է։ Մասնավորապես, ադրբեջանական լրատվամիջոցների հաղորդմամբ, նախագահ Իլհամ Ալիևը կնոջ՝ Մեհրիբան Ալիևայի հետ մասնակցել է The Ritz-Carlton Baku հյուրանոցի բացմանը։
33 հարկանի հյուրանոցի շենքը 130 մետր բարձրություն ունի։ Հաղորդվում է, որ տարբեր սրահներ են ստեղծվել Արցախի գրավյալ տարածքների տեղանուններով։
Հավելենք, որ Ալիևները հերթական անգամ մասնակցել են սեփական բիզնեսի բացման արարողությանը՝ դա ներկայացնելով որպես հանրային միջոցառում։
Նոր հյուրանոցը պատկանում է Pasha Holding-ի դուստր ձեռնարկություն «Աբշերոն Հոթել Գրուպ» ՍՊԸ հյուրանոցային կառավարման ընկերությանը։ Շենքը, որը նախկինում կոչվում էր Trump Tower կամ Sail Hotel, համարվում է Ադրբեջանի 10 ամենաբարձր շենքերից մեկը։
Հավելենք, որ Pasha Holding-ն Ադրբեջանի առաջին տիկին և փոխնախագահ Մեհրիբան Ալիևայի հոր՝ Արիֆ Փաշաևի սեփականությունն է, բաժնեմասեր ունեն նաև նախագահ Ալիևի դուստրերը՝ Լեյլա և Արզու Ալիևաները։
Էմմա Չոբանյան
