09.10.2026 | 10:39
Թրամփը հայտարարել է, որ ԱՄՆ-ը մինչև նոյեմբերին կայանալիք միջանկյալ ընտրությունները չի հարձակվի Իրանի վրա
Թուրքիայի ՊՆ ղեկավարը բողոքել է ՆԱՏՕ-ում Անկարայի նկատմամբ ռազմական համագործակցության սահմանափակումներից
Քաղաքականություն
19.12.2022 | 22:18
Թուրքիայի պաշտպանության նախարար Հուլուսի Աքարը հայտարարել է, որ Անկարան «անարդար սահմանափակումների» է ենթարկվում պաշտպանական համագործակցության ոլորտում ՆԱՏՕ-ի մի շարք դաշնակիցների կողմից, գրում է ՏԱՍՍ-ը։
«Մեր առաջնահերթությունը միշտ եղել է դաշնակիցների հետ համագործակցությունը։ Սակայն, ցավոք, մենք բախվում ենք պաշտպանության ոլորտում համագործակցության անարդար սահմանափակումների: Իսկ դա բացասաբար է անդրադառնում ոչ միայն Թուրքիայի, այլև Հյուսիսատլանտյան դաշինքի վրա։ Մենք ակնկալում ենք, որ բոլոր սահմանափակումները կվերացվեն»,- ասել է Աքարը իտալական Il Messaggero-ին տված հարցազրույցում։
Նա նաև խոսել է Թուրքիայի դերից ահաբեկչության դեմ պայքարում, որի համար Անկարան, ըստ Աքարի, մտադիր չէ որևէ մեկից թույլտվություն խնդրել։
«Մենք խնդրում ենք հաշվի առնել, որ որպես ՆԱՏՕ-ի դաշնակից՝ Թուրքիան ահաբեկիչների ու փախստականների հոսքից պաշտպանող վերջին պատնեշն է»,- ասել է Հուլուսի Աքարը։
Էմմա Չոբանյան
