25.06.2026 | 15:27
Ինչու է աշխատանքից ազատվել Էդգար Ղազարյանի քույրը․ քաղգործիչը պնդում է՝ բռնաճնշում է, Ավանեսյանը հակադարձում՝ մանիպուլյացիա է
Լաչինը փակած Բաքվի նոր պահանջը, Պապիկյանն ընդունել է ԱՄՆ դեսպանին․ Լուրեր
15.12.2022 | 18:55
- Լաչինի միջանցքը այսօր շարունակում է փակ մնալ, և չորրորդ օրն է, որ Արցախի 120 հազար բնակիչներ Ադրբեջանի գործողությունների հետևանքով զրկված են սնունդդի ու դեղորայքի մատակարարումներից։ Ադրբեջանցիների կողմից գազի մատակարարման խափանումից հետո էլ Արցախում ջեռուցման և էներգետիկ խնդիրներ են առաջացել։
- Վարչապետ Նիկոլ Փաշինյանը կառավարության նիստից առաջ հայտարարել է, որ ԼՂ-ում ստեղծված իրավիճակն այլ կերպ, քան հումանիտար ճգնաժամ, հնարավոր չէ անվանել: Փաշինյանը ասել է, որ այդ ճգնաժամն առաջացել է Ադրբեջանի կողմից իր ստանձնած միջազգային պարտավորությունները չկատարելու հետևանքով։ Նա նշել է, որ Ադրբեջանը շարունակաբար իրագործում է ԼՂ-ն առանց հայերի քաղաքականություն և մենք ամեն ինչ պետք է անենք, որպեսզի այն պատշաճ միջազգային գնահատականի արժանանա։
- Արցախի պետնախարարի խորհրդական Արտակ Բեգլարյանի և ՄԻՊ Գեղամ Ստեփանյանի առաջնորդությամբ Երևանում շղթայական ակցիաներ են կազմակերպվել, որոնց մասնակիցները այցելում են ՀՀ-ում ԱՄՆ-ի, Չինաստանի, Ռուսաստանի, Ֆրանսիայի դեսպանատներ՝ իրենց բողոքը հայտնելու Ադրբեջանի կողմից Լաչինի միջանցքը փակելու առնչությամբ և պահանջելու միջոցներ ձեռնարկել միջանցքի բացման համար։ Բեգլարյանը հայտարարել է, որ բացի ցամաքային միջանցքից Արցախը պետք է ունենա նաև օդային միջանցք։
Այս ժամի լուրերը՝ տեսանյութում։
