Քաղաքական կամք՝ առանց ֆինանսական միջոցների․ ակադեմիական քաղաքի կառուցման հարցում  դեռ հստակություն չկա․ ՏԵՍԱՆՅՈՒԹ

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Ակադեմիական քաղաք ստեղծելու՝ վարչապետ Նիկոլ Փաշինյանի հայտարարությունից անցել է ավելի քան երեք ամիս, սակայն դեռ որոշված չէ՝ ստեղծվելիք այդ ավան ո՞ր բուհերն են տեղափոխվելու և դրա արդյունքում որո՞նք են միավորվելու։ Ավելին՝  պաշտոնանկությունից մի քանի օր առաջ ոլորտը համակարգող նախարար Վահրամ Դումանյանն այդպես էլ չպարզաբանեց, թե այդ ուղղությամբ ի՞նչ քայլեր են իրականացվել և ֆինանսական ի՞նչ միջոցներով պետք է այդ քաղաքը կառուցվի։ Միայն վստահեցրեց՝ կա նպատակն իրականացնելու քաղաքական կամք։

Աշտարակ քաղաքում ակադեմիական ավան հիմնելու որոշման մասին սեպտեմբերի սկզբին հայտնել էր վարչապետ Նիկոլ Փաշինյանը։ Ակադեմիական ավան հիմնելու և բուհերը տեղափոխելու որոշման հիմնավորումը, ըստ Փաշինյանի, այն էր, որ դրանք կրթական, նաև ենթակառուցվածքների առումով չեն համապատասխանում միջազգային չափորոշիչներին։

Թե քանի բուհ պետք է լինի ակադեմիական ավանում, մինչև այժմ հստակ որոշված չէ։ Ազգային ժողովի կրթության հանձնաժողովի փոխնախագահ Թագուհի Ղազարյանն ասում է՝ հնարավոր է՝ կանգ առնեն 6-ից 7 բուհի վրա։

Գործադիրի այս նախաձեռնության նպատակը, ըստ հիմնավորման, նաև կրթության որակի բարձրացումն է։ Կրթության փորձագետ Սերոբ Խաչատրյանը, մինչդեռ, կարծում է, որ այդ խնդիրն ակադեմիական ավանի ստեղծմամբ չի լուծվի։

Իշխանական պատգամավոր Թագուհի Ղազարյանն էլ հակադարձում է՝ դա մեկ հարվածով լուծվող խնդիր չէ։ Իսկ կրթական ծրագրերով, ըստ նրա, պետք է զբաղվեն տվյալ բուհերի կառավարիչները։

Այն, որ իշխանությունը դեռ չի պարզաբանում, թե ինչ միջոցներով է կառուցելու այդ ավանը, կրթության  փորձագետ Սերոբ Խաչատրյանը խնդրահարույց է համարում։ Ասում է՝ միակ տարբերակն այն է, որ վաճառեն Երևանի բուհերի շենքերը և այդ գումարներն ուղղեն ակադեմիական քաղաքի կառուցմանը, իսկ դա, ըստ փորձագետի, արդարացված չէ։

Սերոբ Խաչատրյանը կարծում է, որ այսօր գլխավոր խնդիրը բուհերի կառավարումն է, ինչպես նաև այն, որ ուսանողները սովորելու ցանկություն չունեն։ Աշխատանք, ըստ փորձագետի, պետք է այդ ուղղությամբ կատարվի, ինչը չի արվում։ Ի վերջո ի՞նչ ժամկետներում է հնարավոր այս նախաձեռնությունը կյանքի կոչել՝ պարզ չէ։ Թագուհի Ղազարյանն ասում է՝ լավագույն տարբերակը կլիներ այն, որ մինչ այս Կառավարության գործունեության ժամկետի լրանալն առնվազն օրենսդրական փոփոխություններն արվեին, իսկ մինչև 2030 թվականը, ինչպես պատգամավորն ասաց, ենթադրում են կատարել կրթական քաղաքի կառուցման ամբողջ աշխատանքը։

Մանրամասները՝ տեսանյութում։

Սվետա Վարդանյան

 

This publication was produced with the financial support of the European Union. Its contents are the sole responsibility of Factor TV and do not necessarily reflect the views of the European Union.

Այս հրապարակումը պատրաստվել է Եվրոպական միության ֆինանսական աջակցությամբ: Բովանդակության համար պատասխանատվություն է կրում Factor TV-ին, և պարտադիր չէ, որ այն արտահայտի Եվրոպական միության տեսակետները:

@Factor TV 2022. All rights reserved. Licensed to the European Union under conditions.

Պատրաստվել է «Եվրոպական մեդիահարթակ Հայաստանում. հուսալի և պրոֆեսիոնալ լրատվամիջոցների կառուցումը» ծրագրի շրջանակում: