27.06.2026 | 16:59
Մեզ մոտենում են արևադարձային տաք օդային հոսանքներ, ջերմաստիճանը կհասնի 35-36 աստիճանի․ Սուրենյան
Ռուսաստանը դեկտեմբերին կնվազեցնի նավթի արտահանումն արևմտյան նավահանգիստներով
Քաղաքականություն
13.12.2022 | 23:30
Ռուսաստանը նվազեցրել է Բալթիկ ծովի և Նովոռոսիյսկի նավահանգիստներով Urals և Siberian Light տեսակի նավթի արտահանման պլանը՝ նոյեմբերի 8,5 մլն տոննայից մինչև 7,7-7,9 մլն տոննա՝ դեկտեմբերին։ Այս մասին հայտնում է «Կոմերսանտ»-ը։
Այսպիսով, Պրիմորսկի և Ուստ-Լուգայի նավահանգիստներով դեկտեմբերին Urals տեսակի նավթի տարանցումը նախատեսվում է 5,5-5,7 մլն տոննա՝ նոյեմբերի 6 մլն տոննա պլանի դիմաց։
Նովոռոսիյսկի նավահանգստով Urals-ի և Siberian Light տեսակի նավթի առաքումները ծրագրվում է կրճատել նոյեմբերի 2,47 մլն տոննայից մինչև 2,24 մլն տոննա՝ դեկտեմբերին։
Նշվում է, որ նոյեմբերին Նովոռոսիյսկով տարանցումը կրճատվել է փոթորիկների պատճառով, ուստի նոյեմբերյան պլանից մի քանի դիրքեր հետաձգվել են դեկտեմբեր։
Հիշեցնենք, որ դեկտեմբերի սկզբին աշխարհի ավելի քան 30 երկրներ Ռուսաստանից նավթի գների վերին շեմ են սահմանել 60 դոլար՝ մեկ բարելի դիմաց։ Սկսվել է նաև Ռուսաստանի Դաշնությունից Եվրոպա նավթի օֆշորային մատակարարումների էմբարգոն։
Տաթև Ֆռանգյան
