Բակո Սահակյանը ճիշտ որոշումներ է կայացրել. Արկադի Կարապետյան. ՏԵՍԱՆՅՈՒԹ

ԼՂՀ ինքնապաշտպանական բանակի առաջին հրամանատար Արկադի Կարապետյանը (Ագո) մեկնաբանություններ է տվել Արցախի բարձրաստիճան պաշտոնյաների հրաժարականների և երկրում տիրող իրավիճակի շուրջ:

«Ստեղծված իրավիճակը ես նորմալ եմ գնահատում: Այսօր այսպիսի մարտահրավեր է, դա պետք է լուծենք, հետո ուրիշը կլինի` դրա մասին կմտածենք, կյանքի ընթացքն է այդպիսին: Ես ողջունում եմ մեր պետնախարարի հրաժարական տալու որոշումը, չնայած ցուցարարները չէին պահանջում դա: Այդպիսով նա օրինակ ծառայեց, չկառչեց աթոռից: Մարդը հրաժարական տվեց, օրինակ ծառայեց, այդ իմաստով ողջունում եմ: Նորմալ երեւույթ է, բոլոր երկրներում է դա տեղի ունենում: Ես նաև ողջունում եմ մեր նախագահի քայլը, գիտեմ, որ շատ խորհուրդներ են տվել նրան, որպեսզի ուժ կիրառվի, սակայն նա իր մեջ ուժ գտավ և ընդունեց հրաժարականները, չգնաց ուժային լուծման տարբերակով: Հույս ունեմ, որ ստեղծված իրավիճակից մենք կարող ենք պատվով դուրս գալ` հաղթահարելով բոլոր չլուծված խնդիրները: Իհարկե, միանգամից չի ստացվելու, բոլորը դա հասկանում և գիտակցում են, բայց կարելի խնդիր դնել, ուղղություն վերցնել և գնալ արդարության ճանապարհով: Սա ունիկալ հնարավորություն է մեր նախագահի համար մեր միասնության միջոցով, այդ արդարության վեկտորով ընթանալ առաջ` սիրո և ներողամտության մթնոլորտում: Իրար հասկանանք ու այդ բոլոր հարցերը կլուծվեն: Այսօր ամենադժվար գործը նախագահինն է, որովհետև, ի վերջո, նա պետք է նոր կադրեր ընտրի: Հույս պահենք, որ նա կկարողանա ճիշտ մարդկանց ընտրել»,- ասել է Կարապետյանը:

Մարութ Վանյան. Ստեփանակերտ