Լավրովը մեղքը գցում է ՀՀ-ի վրա․ բայց Կրե՛մլն է Ադրբեջանի օրակարգն ընդունել՝ պատասխանատու է․ Բորիս Նավասարդյան․ ՏԵՍԱՆՅՈՒԹ

Լուրեր

20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
20.11.2026 | 20:37
ԵՄ-ն ու Մեծ Բրիտանիան Brexit-ից հետո կապերն ամրապնդելու համար «նշանակալի համաձայնագիր» են կնքել
20.11.2026 | 20:25
Գյումրիում ԵԱՏՄ երկրների մաքսային ծառայությունները 21 որոշում են ընդունել․ Հակոբյանը վերանշանակվել է կոլեգիայի փոխնախագահ
20.11.2026 | 20:13
Հունգարիան հանել է վետոն ԵՄ-ին Ուկրաինայի անդամակցության համար 4-րդ և 5-րդ կլաստերները բացելու հետ կապված
20.11.2026 | 20:00
Ադրբեջանը կստորագրի Խաղաղության համաձայնագիրը, եթե ԹՐԻՓՓ-ի իրագործումը տեսանելի դառնա․ Սահմանադրությունը պատրվակ է․ Արմեն Պետրոսյան․ ՏԵՍԱՆՅՈՒԹ
20.11.2026 | 19:51
Չհամարձակվե՛ք մեզ ասել, որ մենք դեմ ենք խաղաղության գործընթացին․ Արամ Վարդևանյան. ՏԵՍԱՆՅՈՒԹ
20.11.2026 | 19:40
ՌԴ-ն մանրամասներ է հայտնել Ղրիմի կամրջի վնասների մասին
20.11.2026 | 19:30
ՀԱՊԿ-ը կարող է հեռացնել ՀՀ-ին՝ առանց նրա համաձայնության․ ինչո՞ւ չի անում և ի՞նչ է նախատեսում կանոնադրությունը 
20.11.2026 | 19:21
ՀՀ-ում հասարակական կազմակերպությունները թափանցիկ են աշխատում․ Թագուհի Ղազարյան. ՏԵՍԱՆՅՈՒԹ
20.11.2026 | 19:12
Խաղաղության պայմանագիրը բերե՛ք, ստորագրենք, վավերացնե՛նք․ Վարդևանյան. ՏԵՍԱՆՅՈՒԹ
Բոլորը

Անցյալ շաբաթ բավականին աղմկահարույց հայտարարություններից հետո ՌԴ ԱԳ նախարար Սերգեյ Լավրովն այսօր Մոսկվայում հանդիպել է Ադրբեջանի ԱԳ նախարար Ջեյհուն Բայրամովի հետ՝ հայտարարելով, թե Մոսկվան շահագրգռված է Բաքվի ու Երևանի միջև խաղաղության պայմանագրի կնքմամբ՝ հաշվի առնելով 2020 թվականի նոյեմբերի 9-ի, 2021-ի հունվար-նոյեմբերի, ինչպես նաև 2022-ի հոկտեմբերի Սոչիի պայմանավորվածությունները։ Քննարկվել են նաև ռուս-ադրբեջանական դաշնակցային հարաբերությունները։

Ինչո՞ւ է Լավրովը շրջանցում Պրահան և, մասնավորապես, Ալմա-Աթայի հռչակագրի հիմքով միմյանց տարածքային ամբողջականության ճանաչման համաձայնությունը։ Երևանի մամուլի ակումբի նախագահ Բորիս Նավասարդյանը Factor TV-ին տված հարցազրույցում կարծիք է հայտնում, որ Ռուսաստանի և Արևմուտքի միջև լուրջ մրցակցություն է գնում, թե ում հովանու ներքո պիտի ՀՀ-ն և Ադրբեջանը կնքեն խաղաղության պայմանագիր, քանի որ դրանից է կախված հարցը, թե Հարավային Կովկասում աշխարհաքաղաքական ո՞ր ուժն է մնում ազդեցիկ և լուրջ գործոն։

«Այդ հարցը ՌԴ-ի համար սկզբունքային է, ինչից շատ լավ օգտվում է Ադրբեջանը։ Նա անցյալ դեկտեմբերից կազմակերպում է աճուրդի պես մի գործընթաց, թե որ ուժն ավելի լավ պայմաններ կառաջադրի, նրա հետ էլ ինքը պատրաստ կլինի գործակցել խաղաղության պայմանագրի ստորագրման հարցում։ Մենք տեսնում ենք, որ մի կողմից ԵՄ-ն, մյուս կողմից՝ ՌԴ-ն մրցակցում են հենց Բաքվի համակրանքը ստանալու համար։ Բաքուն հետևողականորեն լուծում է իր խնդիրները, ինչը բնական է՝ նա հանում է օրակարգից հայկական կողմին ձեռնտու հարցերը և առաջ է տանում իր հարցերը։ Մենք պետք է մտահոգվենք, թե ինչու դա չի ստացվում մեզ մոտ, և ընդհանուր հունով գնում ենք դեպի համաձայնագիր»,- ասաց Բորիս Նավասարդյանը։

Այսօր Մոսկվայում հանդիպման ժամանակ ՌԴ ԱԳ նախարար Սերգեյ Լավրովն Ադրբեջանի ԱԳ նախարար Ջեյհուն Բայրամովին ասել է, թե Մոսկվան մտադիր է աջակցել Հայաստանի և Ադրբեջանի միջև խաղաղ համաձայնագրի կնքմանը և, ըստ ռուս պաշտոնյայի, Մոսկվան շահագրգիռ է սահմանազատմամբ և ճանապարհների բացումով։ Ավելի վաղ ՌԴ ԱԳ նախարարը պնդել էր, թե Պրահայում ստորագրած փաստաթղթով հայկական կողմը փակել է ԼՂ-ի կարգավիճակի հարցը, և դրանից հետո անհիմն են մեղադրանքները, թե Ռուսաստանն է հրաժարվել խնդրի կարգավորումն ապագային թողնելու իր առաջարկից: Նա նաև ասել է, թե Երևանն ու Բաքուն ուզում են խաղաղության պայմանագիր կնքել՝ ՄԱԿ֊ի կանոնադրության և Ալմա-Աթայի հռչակագրի համաձայն։ Իսկ ըստ Լավրովի՝ Ալիևը մինչև Պրահան պատրաստ էր քննարկել կարգավիճակի հետաձգման հարցը, բայց Պրահայից հետո՝ Սոչիում մերժել է։ Ճի՞շտ է այն տպավորությունը, որ Կրեմլի ձախողումը Լավրովը ՀՀ-ի վրա է դնում։ Տեսանք՝ Պուտինը չի կարողացել Ալիևին համոզել հետաձգել կարգավիճակի հարցը, խաղաղապահների մանդատը։

Բորիս Նավասարդյանը հիշում է՝ առաջին անգամ չէ, որ Մոսկվան դիմում է այս միջոցին, Երևանի և Մոսկվայի միջև ցանկացած խնդիր, որի պատասխանատվությունը ՌԴ-ինն է, փորձում են մեղքը գցել ՀՀ-ի վրա։

«Երբ ՀՀ-ն և Ադրբեջանը բանակցում էին եվրոպական հարթակում, ՌԴ-ն անում էր գրավիչ առաջարկներ ՀՀ-ի համար, որ մեր լավ տարբերակն արհամարհում եք՝ գնալով այլ ուղիով։ Փաշինյանն իր խաղը խաղաց, ըստ էության ասելով՝ «Տղա եք՝ իրագործեք ձեր ծրագիրը»։ Եվ քանի որ ՌԴ-ն տապալվեց Սոչիում՝ չկարողացավ հասնել կարգավիճակի որոշման ժամկետը հետաձգելուն կամ խաղաղապահների մնալու ժամանակը երկարաձգելուն, հիմա օգտագործում է Պրահայում ընդունված հայտարարության փաստը, ամբողջ պատասխանատվությունը գցում է ՀՀ-ի վրա»,- ասաց նա։

Հարցազրույցն ամբողջությամբ՝ տեսանյութում։

Ռոբերտ Անանյան