11.11.2026 | 11:04
ԱԺ Ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
ԱԱ 1/8. Ֆրանսիան խոշոր հաշվով հաղթեց Լեհաստանին և դուրս եկավ 1/4 եզրափակիչ
04.12.2022 | 20:56
Աշխարհի 2022 թվականի առաջնության 1/8 եզրափակչի խաղում այսօր միմյանց հետ մրցեցին Ֆրանսիայի և Լեհաստանի հավաքականները։
Խաղն ավարտվեց ֆրանսիացիների վստահ հաղթանակով՝ 3։1։
Առաջին խաղակեսն ավարտվեց 1։0 հաշվով՝ հօգուտ ֆրանսիացիների․ 44-րդ րոպեին Ժիրուն Մբապեի փոխանցմամբ գրավեց դարպասը։ Իսկ 2-րդ խաղակեսում 2 գոլի հեղինակ դարձավ հենց ինքը Մբապեն, ինչն ամրագրեց ֆրանսիացիների հաղթանակը, ընդ որում վերջին գոլը Մբապեն իրացրեց խաղի հիմնական ժամանակի վերջին րոպեին։
Ավելացված ժամանակին Լեհաստանը 11-մետրանոց հարվածի հնարավորություն ստացավ, այն իրացրեց Լևանդովսկին և 1 գոլ ավելացրեց իր և հավաքականի հաշվին։
Ֆրանսիան քառորդ եզրափակչում ուժերը կչափի Անգլիա-Սենեգալ զույգի հաղթողի հետ։ Անգլիայի և Սենեգալի հավաքականների խաղը կկայանա այսօր՝ Երևանի ժամանակով 23։00-ին։
