20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Սաակաշվիլիի մայրը հայտարարել է, որ նա հեռանում է վրացական քաղաքականությունից
Քաղաքականություն
02.12.2022 | 23:16
Վրաստանի նախկին նախագահ Միխեիլ Սաակաշվիլին այլևս մտադիր չէ մասնակցել Վրաստանի քաղաքական կյանքին։ Այս մասին ասվում է Սաակաշվիլիի մոր՝ Ջուլի Ալասանիայի հայտարարության մեջ, որը հրապարակվել է նախկին նախագահի ֆեյսբուքյան էջում։
«Միխեիլ Սահակաշվիլին չի պատրաստվում որևէ կերպ մասնակցել վրացական քաղաքականությանը և արդար որոշման հույս ունի»,- ասվում է ուղերձում, փոխանցում է ՏԱՍՍ-ը։
Ազատազրկման դատապարտված Սաակաշվիլիի մայրը նշել է, որ «չի մեղադրում վրացական իշխանություններին» նրա հնարավոր թունավորման համար, ինչի մասին ավելի վաղ խոսել էին նրա փաստաբանները։ Նրա առողջության փորձաքննության արդյունքները ցույց են տվել, որ օրգանիզմում առկա են ծանր մետաղներ, այդ թվում՝ սնդիկ։ Ջուլի Ալասանիայի խոսքով, եթե Սաակաշվիլիին թունավորել են, ապա հնարավոր է դրա հետևում կանգնած լինի այլ երկիր։
Հինգշաբթի ավելի վաղ «Էմպատիա» ՀԿ-ն հրապարակել էր բժշկական եզրակացություն, համաձայն որի՝ Սաակաշվիլին տասը ախտորոշում է ունեցել, որոնք անհամատեղելի են ազատազրկման հետ։ «Էմպատիայի» ղեկավար Մարիամ Ջիշկարիանիի խոսքով՝ Վրաստանի նախկին նախագահին պետք է ուղարկել արտերկիր բուժման։
Տաթև Ֆռանգյան
