16.01.2026 | 19:50
ԱԺ-ն մնացել է առանց ցախավելների, մատակարարը՝ հայտնվել «սև ցուցակում»
Այգեհովիտ գյուղում «Opel Zafira»-ն 20 մ սահել է ձորը և շրջվել
01.12.2022 | 22:27
Դեկտեմբերի 1-ին, ժամը 15:51-ին Տավուշի մարզային ճգնաժամային կառավարման կենտրոն ահազանգ է ստացվել, որ Այգեհովիտ գյուղում տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «Opel Zafira» մակնիշի ավտոմեքենան (վարորդ՝ Ա․ Մ․) դուրս է եկել ճանապարհի երթևեկելի հատվածից, մոտ 20 մ սահել դեպի ձորը և շրջվել:
Մինչ փրկարարների կանչի վայր հասնելը՝ ուղևոր Լ․ Մ․-ն (ծնված 1984 թ.) ավտոմեքենայից դուրս է բերվել տեղի ուժերով և տեղափոխվել Երևանի «Իզմիրլյան» ԲԿ:
Փրկարարները հոսանքազրկել են ավտոմեքենան, փակել գազի բալոնի փականը և հատուկ տեխնիկայի օգնությամբ ավտոմեքենան դուրս բերել ճանապարի երթևեկելի հատված:
