16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Մանրամասներ Կոտայքի ավիավթարից․ Լավրովը՝ ՀՀ իշխանությունների գործողությունների մասին․ Լուրեր
01.12.2022 | 18:45
- Այսօր Կոտայքի մարզի Ջրաբեր գյուղի տարածքում B55 ինքնաթիռ է ընկել և բռնկվել։ ԱԻՆ-ից տեղեկացրել են, որ դեպքի վայրում հայտնաբերվել է երկու այրված դի։ Քաղավիացիայի կոմիտեից հայտնել են, որ օդանավում եղել են միայն անձնակազմի անդամները՝ 2 օդաչու, որոնք զոհվել են: Օդանավը թռչելիս է եղել դեպի Աստրախան։
- ՌԴ ԱԳ նախարար Սերգեյ Լավրովն այսօր հայտարարել է, որ Հայաստանի իշխանությունները վերջերս «ավելի շատ խոսում են Ղարաբաղում հայերի իրավունքների, քան կարգավիճակի մասին»։ Ըստ Լավրովի՝ Պրահայում Ադրբեջանի հետ համաձայնության գալով՝ Հայաստանի իշխանությունները ճանաչել են Աստանայի համաձայնագիրը, որով Լեռնային Ղարաբաղը Ադրբեջանի մաս է։
- ՀՀ ԱԳՆ-ից արձագանքել են լուրերին, որ նախարար Արարատ Միրզոյանը ԵԱՀԿ ԱԳ նախարարների հանդիպումից առաջ կարճատև զրույցներ է ունեցել Թուրքիայի և Ադրբեջանի ԱԳ նախարարների հետ։ ՀՀ ԱԳՆ-ից նշել են, որ նախքան ԵԱՀԿ նախարարակական գագաթաժողովի բացման արարողությունը Հայաստանի, Թուրքիայի, Ադրբեջանի ԱԳ նախարարները, ինչպես նաև Ավստրիայի ԱԳ նախարարը և ԵՄ բարձր հանձնակատարը քաղաքավարական կարճ զրույց են ունեցել։
Այս ժամի լուրերը՝ տեսանյութում։
