30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Բռնության հայտնաբերման և ուղղորդման մեխանիզմներ չունենք․ ԿԳՄՍՆ ներկայացուցիչ․ ՏԵՍԱՆՅՈՒԹ
Հասարակություն
29.11.2022 | 17:10
Ընդդեմ կանանց նկատմամբ բռնության կոալիցիան «Գենդերային բռնության կանխարգելումը Հայաստանում» վերտառությամբ ազգային համաժողով է կազմակերպել։ Միջոցառումը տեղի է ունենում «Կին իրավապաշտպանները քայլեր են ձեռնարկում գենդերային բռնության դեմ Հայաստանում» 2020-2022թթ․ ծրագրի շրջանակում, որն իրականացվում է Եվրոպական միության ֆինանսավորմամբ։
«Երբ խոսում ենք ընտանեկան բռնության մասին, դպրոցը կարծես թե թիրախային շահառու չէ, բայց երբ որ խորանում եք հարցերի մեջ, հասկանում ենք, որ ամեն ինչ սկսվում է դպրոցից՝ իրավագիտակցությունն էլ է սկսվում դպրոցից, իրավունքի պաշտպանությունն էլ, բռնության երևույթի ընկալումն էլ»,- համաժողովի ժամանակ այս մասին նշեց ՀՀ կրթության և գիտության նախարարության հանրակրթության վարչության գլխավոր մասնագետ Անահիտ Մուրադյանը։
«Դպրոցը, ընտանեկան բռնութան հետ կապված, երկու ուղղությամբ է աշխատանք տանում՝ առաջին՝ բռնության կանխարգելում․ բռնության երևույթի ճանաչում, այդ երևույթի նկատմամբ վերաբերմունքի ստեղծում, և երկրորդ՝ բռնության հայտնաբերում․ արդյո՞ք դպրրոցը կարողանում է հայտնաբերել բռնության դեպքերը և ինչ է անում այդ ուղղությամբ։
Մշակվել են հանրակրթության պետական նոր չափորոշիչներ, որոնց հիմնական ուղղվածությունը կարողունակություններն են։ Հատուկ շեշտադրումներ ունենք իրավունքի բլոկին։ Ունենք նաև առողջ ապրելակերպ դասընթացը, որը հիմնականում սոցիալ-հոգեբնական հմտությունների և կյանքի մարտահրավերները դիմակայելու վեաբերյալ է։ Այս դասընթացում շեշտադրում կա գենդերազգայուն թեմաների վերաբերյալ։
Նախատեսվում է հոգեբանի հաստիքի ներդրում բոլոր դպրոցներում, և բռնությունն է այն թիրախը, որի շուրջ կառուցվել է հոգեբանի հաստիքի ներդրման հայեցակարգը։
Դպրոցում բռնության հայտնաբերման և ուղղորդման մեխանիզմներ չունենք, նաև լիազորություններ չունենք։ Փորձում ենք օրենսդրական փոփոխություն իրականացնել երեխայի իրավունքների պաշտպանության օրենքում, որը հնարավորություն կտա լիազորություններ ունենալ, որպեսզի բռնության հայտնաբերման դեպքում ուղղորդման մեխանիզմ կիրառվի»,- նշեց Մուրադյանը։
Մանրամասները՝ տեսանյութում։
