14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Պատկերացրեք՝ նախկինում ճանապարհային ոստիկանն իրեն կաշառք տալու համար բերման ենթարկեր․ Մինասյան․ ՏԵՍԱՆՅՈՒԹ
Հասարակություն
24.11.2022 | 14:30
«Ստեղծվում է Ներքին գործերի նոր նախարարություն. սա շատ կարևոր նախագիծ է, վերջապես ոստիկանության ծառայությունը գտնվելու է խորհրդարանական վերահսկողության ներքո, դառնում է քաղաքացիական կառույց»,- այս մասին լրագրողների հետ զրույցում հայտարարեց Արդարադատության նախարարի պաշտոնակատար Գրիգոր Մինասյանը։
Ըստ նրա՝ Ներքին գործերի նախարարությունն իր մեջ ներառելու է երեք հիմնական ծառայություն՝ Ոստիկանությունը, Փրկարար ծառայությունը ու նոր կառույցը՝ Միգրացիոն և քաղաքացիության ծառայությունը.
«Մենք միջնորդել ենք, որ այս նախագիծը հրատապության կերպով քննարկի Ազգային ժողովում, փաթեթը շատ ծավալուն է, հանրային իրազեկման մասով ապահովված է՝ քննարկումներ են տեղի ունեցել արդեն մի քանի ամիս։ Եթե ԱԺ մեր գործընկերները հավանության արժանացնեն փաթեթը, ապա տարվա վերջին մենք կունենանք ձևավորված Ներքին գործերի նախարարություն։ Նախատեսել ենք նաև 4 ամիս անցումային փուլ, որի ընթացքում Արտակարգ իրավիճակների նախարարությունն իրականացնելու է դադարեցման գործառույթը։ Նպատակն այն է, որ այդ մեծ ռեֆորմն անցնցում տեղի ունենա»,- նշեց նախարարի պաշտոնակատարը։
Նրա խոսքով՝ խորհրդարանական վերակսկողության կարևորագույն երաշխիքներից մեկն այն է, որ ոստիկանական բոլոր ապագա խնդիրների պատասխանատուն լինելու է քաղաքական մարմինը։ Վերահսկողությունն իրականացվելու է խորհրդարանական գործիքների միջոցով։
Մինասյանի դիտարկմամբ՝ ոստիկանությունում իրականացվող բարեփոխումներն արդեն արդոյւնք են տալսի։ Նախարարն ընդգծեց, որ իրավապահ համակարգում ժամանակին եղել են մեծ թվով լատենտային իրավախախտումներ, որոնք չեն հայտնաբերվել, իսկ այսօր մեծ թվով հանցագործություններ են բացահայտվել։
«Պատկերացրեք՝ նախկինում ճանապարհային ոստիկանն իրեն կաշառք տալու համար հաղորդում ներկայացներ»,- նշեց Մինասյանը։ Նա նաև հավելեց, որ մեծ թվով հանցագործություններ են բացահայտվում նաև ՔԿՀ-ներում։
Մանրամասները՝ տեսանյութում։
