19.04.2024 | 23:26
Գցել են գետնին, ոտքը դրել գլխին և ձեռքերը ոլորելով՝ փորձել հանել հագուստը․ խոշտանգման մասին նոր ահազանգ․ ՏԵՍԱՆՅՈՒԹ
Ոստիկանության զորքերը կդառնան գվարդիա. Փաշինյանը` ՆԳՆ-ի ստեղծման մասին․ ՏԵՍԱՆՅՈՒԹ
Քաղաքականություն
24.11.2022 | 11:25
Գործադիրը հավանություն տվեց «Կառավարության կառուցվածքի և գործունեության մասին» օրենքում փոփոխություններ և լրացումներ կատարելու մասին» օրենքի նախագծին, որով էլ նախատեսվում էր ՆԳՆ ստեղծել։
«Առաջիկայում ստեղծվելիք ներքին գործերի նախարարությունն իր մեջ ներառելու է 3 խոշոր ծառայություն` ոստիկանությունը, փրկարար ծառայությունը և միգրացիայի ու քաղաքացիության ծառայությունը»,-կառավարության նիստի ժամանակ այս մասին հայտնեց արդարադատության նախարարի տեղակալ Գրիգոր Մինասյանը։
«ՆԳՆ-ում կկենտրոնացվի 5 ոլորտ` հասարակական կարգի պահպանություն, ահնցագործությունների կանխում և բացահայտում, աղետների ռիսկի կանխատեսում, միգրացիա և քաղաքացիություն, պետական ռեզերվների կառավարում և հումանիտար հարցեր։ Ծառայությունների ղեկավարները նշանակվելու են վարչապետի կողմից, իսկ տեղակալները` ՆԳՆ ղեկավարի առաջարկությամբ կնշանակվեն և կազատվեն վարչապետի կողմից։
Ներքին գործերի նախարարի ենթակայությամբ նախատեսվելու է ներքին անվտանգության և հակակոռուպցիոն վարչությունը, որն էլ կապահովի վերահսկողությունն ամբողջ վարչության նկատմամբ»,- նշեց Մինասյանը։
Վարչապետ Նիկոլ Փաշինյանն ընդգծեց, որ այս փոփոխության ամենախորքային և հեռանկարային իմաստը նոր ստանդարտի ոստիկանություն և փրկարար ծառայություն ունենալն է։
«Ոստիկանության կառուցվածքի էական և լրջագույն փոփոխություններ են տեղի ունենալու։ Ոստիկանական փրկարար ծառայության գործառույթները վերապահում ենք ոստիկանությանն ու փրկարար ծառայությանը, իսկ քաղաքացիական նշանակության գործառույթները՝ ՆԳՆ–ին։ Օրինակ՝ անձնագրային ծառայությունը միշտ համարվել է ոստիկանական գործառույթների մաս, բայց իրականում այն քաղաքացիական գործառույթ է: Մենք ՏԿԵ-ից դուրս կբերենք միգրացիայի ծառայությունը և կստեղծենք միգրացիայի և քաղաքացիության հարցերի ծառայություն,- նշեց վարչապետը։
Փաշինյանը հավելեց, որ ոստիկանության պետը կլինի ՆԳՆ տեղակալը։ Բացի դիանից՝ ոստիկանության զորքերը կվերակազմավորեն որպես ոստիկանության գվարդիա, որը կունենա ավելի ընդլայնված գործառույթներ:
Վարչապետը հավելեց, որ ՆԳՆ-ի ձևավորման մեկնարկից կսկսեն նաև կամավոր ատեստավորման գործընթացը, որի հիմնական նպատակը կլինի ոստիկանության և փրկարար ծառայության ծառայողների աշխատավարձերի առնվազն կրկնապատկումը:
Մանրամասները՝ տեսանյութում։
