15.01.2026 | 11:12
«Ուրարտուի» նախկին ֆուտբոլիստն ընկել է պատուհանից ու մահացել
Տիգրան Խզմալյանը բերման է ենթարկվել
Հասարակություն
23.11.2022 | 13:28
«Հայաստանի եվրոպական կուսակցության» նախագահ Տիգրան Խզմալյանը առաջ բերման է ենթարկվել ոստիկանության Էրեբունու բաժին։ Այս մասին Factor.am-ի հետ զրույցում ասաց Ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը.
«ՎԻՎ օրենսգրքի 182 հոդվածով՝ ոստիկանի օրինական պահանջին չենթարկվել, նախատեսված արարքի համար Պարոնյան փողոցից 4 անձ բերվել է ոստիկանության Էրեբունու բաժին»,- նշեց նա։
Հիշեցնենք՝ Երևանում ՀՀ վարչապետ Նիկոլ Փաշինյանի գլխավորությամբ տեղի կունենա ՀԱՊԿ հավաքական անվտանգության խորհրդի նիստը։ Նիստին մասնակցելու են Ռուսաստանի Դաշնության նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր Ժապարովը, Տաջիկստանի նախագահ Էմոմալի Ռահմոնը և ՀԱՊԿ գլխավոր քարտուղար Ստանիսլավ Զասը: ՀԱՊԿ ղեկավարներն ի թիվս այլ հարցերի, կքննարկեն Հայաստանին օգնության հարցը։
Այս առիթով Երևանի հատվածներում բողոքի ակցիաներ են տեղի ունենում։ Ոստիկանությունն ուժեղացված ծառայություն է իրականացնում։
Ռոզա Վարդանյան
