Ալիև-Պուտին հեռախոսազրույց է տեղի ունեցել, հակառակորդը կրկին խախտել է հրադադարը․ ԼՈՒՐԵՐ

• Հակառակորդը շարունակում է խախտել հրադադարը։ Երեկ գիշեր ժամը 22:00-22:45-ը, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ․ տեղեկացնում են ՀՀ ՊՆ-ից։ Հայկական կողմը կորուստներ չունի։ Նոյեմբերի 23-ի՝ ժամը 10:00-ի դրությամբ, իրադրությունն առաջնագծում հարաբերականորեն կայուն է:
• Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները նոյեմբերի 22-ի ժամը 15։48-18։20-ն ընկած ժամանակահատվածում կրակ են բացել Արցախի Հանրապետության Մարտակերտի և Շուշիի շրջանների օկուպացված տարածքներում տեղակայված ադրբեջանական դիրքերի ուղղությամբ, հերթական ապատեղեկատվությունն է։ Տեղեկացնում են ԱՀ ՊՆ մամուլի ծառայությունից։
• Ղազախստանի նախագահ Կասիմ-Ժոմարտ Տոկաևը կմասնակցի Հավաքական անվտանգության խորհրդի նիստին, որը նախատեսված է չորեքշաբթի օրը Երևանում։ Այս մասին փոխանցում է ՏԱՍՍ-ը։ Հիշեցնենք՝ այսօր Երևանում ՀՀ վարչապետ Նիկոլ Փաշինյանի գլխավորությամբ տեղի կունենա ՀԱՊԿ հավաքական անվտանգության խորհրդի նիստը։ Նիստին մասնակցելու են Ռուսաստանի Դաշնության նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր Ժապարովը, Տաջիկստանի նախագահ Էմոմալի Ռահմոնը և ՀԱՊԿ գլխավոր քարտուղար Ստանիսլավ Զասը:

Այս ժամի լուրերը՝ տեսանյութում։