Պեմզաշենում փորձել են այրել կասկածյալի տունը. Վաչագան Ղազարյանը և կինը նոր քրգործով են անցնում. ԼՈՒՐԵՐ

• Ադրբեջանի ԶՈՒ-ն հայկական դիրքերի ուղղությամբ դարձյալ կրակ է բացել․։ Նոյեմբերի 20-ին՝ ժամը 21:00-ին, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ․ տեղեկացնում են ՀՀ ՊՆ-ից։ Հայկական կողմը կորուստներ չունի: Նոյեմբերի 21-ի՝ Ժամը 09:00-ի դրությամբ իրադրությունն առաջնագծում հարաբերականորեն կայուն է:
• Ֆրանկոֆոնիայի միջազգային կազմակերպության անդամներն իրենց աջակցությունն են հայտնել Հայաստանին։ Թունիսի Ջերբա քաղաքում անցկացված Ֆրանկոֆոնիայի միջազգային կազմակերպության 18-րդ գագաթնաժողովի արդյունքում նոյեմբերի 20֊ին ընդունվել է «Ֆրանկոֆոն տիրույթում ճգնաժամային իրավիճակների, դրանց հաղթահարման և խաղաղության ամրապնդման վերաբերյալ» բանաձևը, որը համերաշխությունն է հայտնում Ֆրանկոֆոնիայի անդամ Հայաստանի։
• Այս համատեքստում բանաձևով խորին մտահոգություն հայտնում վերջերս տեղի ունեցած ռազմական էսկալացիայի, հատկապես դրա հետևանքով միջազգային իրավունքի, տարածքային ամբողջականության և միջազգային մարդասիրական իրավունքի խախտումների առնչությամբ։
• Պեմզաշենում դաժանաբար սպանված 31-ամյա Զարինե Մելիքսեթյանի ու նրա երկու մանկահասակ երեխաներ հարազատները՝ մի խումբ կանայք, երեկ փորձել են վրեժ լուծել։ Նրանք երեկ երեկոյան ժամը՝ ժ.19.30-ի սահմաններում մոտեցել են սպանության մեջ կասկածվող Վրույր Բարսեղյանի տանը՝ մետաղյա ձողով կոտրել են պատուհանի տան ապակին՝ փորձելով ներս մտնե ու հրկիզել։ Մեր այս տեղեկությունը հաստատել են ոստիկանությունից։ Նրանց գործողությունները կանխել են տեղում հսկողություն իրականացնող ոստիկանները։ 5 կանանց հրավիրել են ոստիկանության Արթիկի բաժին։

Այս ժամի լուրերը՝ տեսանյութում։