13.03.2026 | 13:05
Թրամփը հայտարարել է, որ Իրանի նոր գերագույն առաջնորդը ողջ է, բայց «վիրավոր»
Փաշինյանը՝ խաղաղության պայմանագրի մասին. NASA-ի՝ Լուսին նոր առաքելության մեկնարկը. ԼՈՒՐԵՐ
16.11.2022 | 20:57
- «Հայաստանը կողմ է Ադրբեջանի հետ խաղաղության պայմանագրի շրջանակային մոդելին, որով կարձանագրվի համաձայնությունների շրջանակը»,- այսօր խորհրդարանում պատգամավորների հետ հարցուպատասխանի ժամանակ այս մասին հայտարարեց վարչապետ Նիկոլ Փաշինյանը։ Նրա խոսքով՝ խաղաղության պայմանագրի ստորագրումից առաջ Հայաստանի և Ադրբեջանի միջև սահմանագծման և սահմանազատման գործընթացներն ավարտելու վերաբերյալ խնդրին՝ վարչապետը նշեց. «Կար ըմբռնում, որ խաղաղության պայմանագրի ստորագրման պահին սահմանների դելիմիտացիան արված լիներ, բայց ազդակներ կան, որ դա գուցե իրատեսական չէ»։
- Խորհրդարանում վարչապետն անդրադարձավ նաև անվտանգային գործընթացի լուծմանը։ «Մենք Վաշինգտոնում ադրբեջանական կողմին է փոխանցել մեր մեկնաբանությունները և մեր առաջարկները, մեր տեքստը՝ խաղաղության պայմանագրին վերաբերող, մենք սպասում ենք Ադրբեջանի արձագանքներին: Այդ արձագանքների առումով պիտի ասեմ, որ, այնուամենայնիվ, մենք տեսնում ենք նաև լարվածության որոշակի միտումներ: Այդ լարվածությունը կապված է նաև կոնկրետ իրադարձությունների, կոնկրետ իրավիճակների հետ»,- նշեց Փաշինյանը:
- ԱԽ քարտուղար Արմեն Գրիգորյանը հանդիպել է ԱՄՆ Եվրոպական հրամանատարության ծրագրավորման, քաղաքականության, ռազմավարության և կարողությունների գծով տնօրեն գեներալ-մայոր Դանիել Տ. Լասիկասի հետ․ տեղեկացնում են ՀՀ ԱԽ գրասենյակից։ Գրիգորյանը զրուցակցին է ներկայացրել զինված ուժերի կառուցվածքային և բովանդակային բարեփոխումների ուղղությամբ ՀՀ կառավարության կողմից իրականացվող ջանքերը։
Այս ժամի լուրերը՝ տեսանյութում։
