14.06.2026 | 16:57
Իսրայելի պաշտպանության բանակը ԱՄՆ-Իրան համաձայնագրի շրջանակներում կարող է դադարեցնել առաջխաղացումը Լիբանանում
ՊՆ «Կամազ» է կողաշրջվել․ Բլինքենը՝ Փաշինյանի հետ հեռախոսազրույցի մասին․ ԼՈՒՐԵՐ
Քաղաքականություն
16.11.2022 | 17:17
- Այսօր ժամը 09:50-ի սահմաններում ՀՀ ՊՆ «Կամազ» մակնիշի ավտոմեքենայի կողաշրջման հետևանքով մահացել է զինծառայող Գրիգոր Արթուրի Գրիգորյանը (ծնված՝ 2000թ.): Մարմնական վնասվածք է ստացել 7 զինծառայող։ Նրանք տեղափոխվել են կայազորային հոսպիտալ, հետազոտվել են և ստանում են անհրաժեշտ բուժօգնություն։ Ըստ ՊՆ-ի պաշտոնական հաղորդագրության՝ զինծառայողների կյանքին վտանգ չի սպառնում
- ԱՄՆ Պետքարտուղարը թվիթերում գրառում է արել ՀՀ վարչապետ Նիկոլ Փաշինյանի հետ նախօրեին տեղի ունեցած հեռախոսազրույցի վերաբերյալ։ «Ես հորդորել եմ վարչապետ Փաշինյանին նոյեմբերի 7-ին Վաշինգտոնում արտգործնախարարների բանակցություններից հետո պահպանել Ադրբեջանի և Հայաստանի միջև խաղաղ բանակցությունների ընթացքը։ Միացյալ Նահանգները հավատարիմ է մնում այդ ջանքերին»,- ասված է Էնթընի Բլինքենի գրառման մեջ։
- Վարչապետ Նիկոլ Փաշինյանը հեռախոսազրույց է ունեցել Վրաստանի վարչապետ Իրակլի Ղարիբաշվիլիի հետ․ տեղեկացնում են ՀՀ վարչապետի աշխատակազմից։ Զրուցակիցները քննարկել են ինչպես երկկողմ, այնպես էլ տարածաշրջանային նշանակության հարցեր: Այս համատեքստում, կարևորվել է հարավկովկասյան տարածաշրջանում մթնոլորտի բարելավումն ու այդ ուղղությամբ համապատասխան քայլերի իրականացումը: Կողմերը պայմանավորվել են 2023 թվականի սկզբին Երևանում անցկացնել հայ-վրացական միջկառավարական հանձնաժաղովի նիստ:
Այս ժամի լուրերը՝ տեսանյութում։
