07.06.2026 | 20:10
14/24 ընտրատեղամասի դռները փակվեցին 19:58-ին. նույն պահին մտած քաղաքացուն թույլ չտվեցին քվեարկել
ԱՄՆ-ը պատժամիջոցներ է սահմանել իրանական անօդաչու թռչող սարքեր արտադրողների նկատմամբ
Քաղաքականություն
16.11.2022 | 21:44
ԱՄՆ Ֆինանսների նախարարության արտաքին ակտիվների վերահսկողության գրասենյակը պատժամիջոցներ է սահմանել իրանական մի քանի կազմակերպությունների նկատմամբ, որոնք կապված են ռուս զինվորականներին անօդաչու թռչող սարքեր (ԱԹՍ) մատակարարելու հետ: Այս մասին հաղորդագրություն է տարածվել գերատեսչության կայքէջում, փոխանցում է DW-ի ռուսական ծառայությունը։
Ամերիկյան գերատեսչությունը նշում է, որ իրանական անօդաչու թռչող սարքերը ռուսական զորքերի կողմից օգտագործվել են Ուկրաինայի խաղաղ բնակչության դեմ հարձակումների համար։ Պատժամիջոցների ցանկը ներառում է Shahed Aviation Industries-ը, որը Shahed շարքի անօդաչու թռչող սարքերի մշակողն ու արտադրողն է, ինչպես նաև Success Aviation Services FZC-ն և Jet Global DMCC-ը, որոնց գործակալությունը պատասխանատու է համարում Ռուսաստան զենք տեղափոխելու համար:
Բացի այդ, պատժամիջոցները վերաբերում են Աբբաս Ջումին և Տիգրան Սրաբիոնովին, որոնց միջոցով, ըստ Վաշինգտոնի, ռուսական «Վագներ» ռազմական խմբավորումը ստացել է իրանական անօդաչու թռչող սարքեր. Ուկրաինայում ռազմական գործողություններին մասնակցում են նաև վարձկաններ։
«Ինչպես մենք բազմիցս ցույց ենք տվել՝ Միացյալ Նահանգները մտադիր է պատժամիջոցներ կիրառել այն մարդկանց և ընկերությունների դեմ, ովքեր աջակցում են Ռուսաստանի անհիմն ներխուժմանը Ուկրաինա՝ անկախ գտնվելու վայրից»,- ասել է ֆինանսների նախարար Ջանեթ Յելենը:
Տաթև Ֆռանգյան
