17.03.2026 | 22:46
ԱԹՍ-ներով և հրթիռներով նոր հարձակում է իրականացվել Բաղդադում ԱՄՆ դեսպանատան վրա. ԶԼՄ
Ինչո՞ւ թատրոններում չկա ռազմավարություն և տեսլական․ հարց ՝ Լիլիթ Մակունցին․ ՏԵՍԱՆՅՈՒԹ
Մշակույթ
05.06.2018 | 16:31
Ազգային ժողովում 2017 թ պետական բյուջեի կատարման մասին տարեկան հաշվետվության ժամանակ ԱԺ« Ծառուկյան» խմբակցության պատգամավոր Լուիզա Սարգսյանը ՀՀ մշակույթի նախարար Լիլիթ Մակունցից հետաքրքրվեց՝ արդյոք նախարարությունը ծանոթ է թատրոններում առկա խնդիրներին, պատգամավորը հետաքրքվեց նաև՝ ինչու թատրոններում չկա ռազմավարություն և տեսլական, կամ ինչու թատրոնների խաղացանկերը չեն թարմացվում և նորացվում։
Հարցերին ի պատասխան՝ նախարարը նշեց, որ բարձրաձայնված խնդիրները վերաբերում են բոլոր ոլորտներին և դրանք ունեն խորքային պատճառներ․ «Առաջին հերթին բյուջեի արդյունավետ ծախսելու խնդիր կա․ մենք տրամադրում ենք ահռելի գումար մեկ հոբելյանական երեկո անցկացնելու համար, հետո փաստի առաջ ենք կանգնում, որ այլ մշակութային միջոցառման համար բավարար գումար չկա։ Խնդիրը նաև հետևյալն է, որ մենք չունենք գեղագիտական խորհուրդ, որը կկատարի ընդդիմախոսի դեր և կկատարի գրաքննություն և ցույց կտա՝ ինչպես արյունավետ օգտագործել տվյալ ոլորտի քաղաքականությունը»,- ասաց նախարարը։
Լիլիթ Մակունցը նաև հավելեց, որ առաջնահերթ է բյուջեի միջոցները արդյունավետ բաշխել և սահմանել նոր որակական չափորոշիչներ, որոնք կսահմանեն ոլորտի մասնագետները։
Մանրամասները՝ տեսանյութում:
