09.10.2026 | 11:42
Լոռիում քննարկվել է ԱԲ-ի կիրառումը հաշմանդամություն ունեցող անձանց իրավունքների պաշտպանության համար
Պուտինը ծանր ճնշման տակ է․ ՆԱՏՕ-ի գլխավոր քարտուղար
Քաղաքականություն
10.11.2022 | 22:12
Ռուսական զորքերի հեռանալը Խերսոնի շրջանի աջափնյա հատվածից Ուկրաինայի հերթական հաղթանակը կլինի Ռուսաստանի դեմ պատերազմում։ Այս մասին Հռոմում կայացած ճեպազրույցի ժամանակ ասել է ՆԱՏՕ-ի գլխավոր քարտուղար Յենս Ստոլտենբերգը, գրում է Korrespondent- ը։
Նրա խոսքով՝ ուկրաինական ուժերը ցուցադրել են ռուս զավթիչներին հետ մղելու և իրենց տարածքներն ազատագրելու կարողությունը։
«Մենք հաշվի ենք առել Ռուսաստանի՝ Խերսոնից նահանջի հայտարարությունը, պետք է տեսնենք, թե ինչպես կզարգանա իրավիճակը տեղում առաջիկա օրերին»,- ասել է նա։
Դաշինքի գլխավոր քարտուղարը, սակայն, ակնհայտ է համարում, որ Ռուսաստանն այժմ «ծանր ճնշման տակ է»։
«Եթե նրանք հեռանան Խերսոնից, դա կլինի Ուկրաինայի հերթական հաղթանակը»,- ընդգծել է Ստոլտենբերգը։
Հիշեցնենք՝ Յենս Ստոլտենբերգն ավելի վաղ հայտարարել էր, որ Կրեմլի ղեկավար Վլադիմիր Պուտինը թերագնահատել է ուկրաինացիների խիզախությունը և Ուկրաինայի աջակցությունն Արևմուտքից։
Ռուսական ռազմական հրամանատարությունը նախօրեին հայտարարել էր Խերսոնից զորքերը դուրս բերելու մասին։
Տաթև Ֆռանգյան
