01.11.2024 | 21:32
Հայաստանի մի շարք հասցեներում էլեկտրաէներգիայի անջատումներ կլինեն
Միրզոյան-Բայրամով հանդիպման արդյունքները․ Բաքվում հակաիրանական ցույց են կազմակերպում․ Լուրեր
Քաղաքականություն
08.11.2022 | 13:34
- Նոյեմբերի 7֊ին Հայաստանի ԱԳ նախարար Արարատ Միրզոյանը և Ադրբեջանի ԱԳ նախարար Ջեյհուն Բայրամովը հանդիպում են ունեցել ԱՄՆ մայրաքաղաք Վաշինգտոնում։ Նախարարները հյուրընկալվել են Բլեր Հաուսում, որտեղ տեղի է ունեցել նաև համատեղ հանդիպում ԱՄՆ պետքարտուղար Էնթոնի Բլինքենի հետ։ նախարարները պայմանավորվել են թափ հաղորդել իրենց բանակցություններին ու ևս մեկ հանդիպում անցկացնել առաջիկա շաբաթների ընթացքում:
- ԵՊԲՀ նախկին ռեկտոր Միքայել Նարիմանյանի նկատմամբ քրեական հետապնդում է հարուցվել՝ խոշոր չափերով գույքի հափշտակության համար։ Նա հանդիսանալով «Երևանի Մխիթար Հերացու անվան պետական բժշկական համալսարան» հիմնադրամի նախկին ռեկտորը ծառայողական դիրքն օգտագործելով, կատարել է իրեն վստահված, իր տնօրինմանը հանձնված գույքի հափշտակություն՝ 39 մլն 660 հազար դրամի չափով։
- Ադրբեջանի և Իրանի հարաբերությունների լարման ֆոնին Բաքվի ընդդիմությունը պատրաստվում է Թեհրանի գործողությունների դեմ բողոքի ակցիա անցկացնել։ «Մուսավաթ» կուսակցությունը նոյեմբերի 15-ին նախատեսում է Ադրբեջանում Իրանի դեսպանատան դիմաց բողոքի ակցիա անցկացնել։ Բաքվի գործադիր իշխանությանը հավաքի համար արդեն համապատասխան ծանուցում է ուղարկվել։
Այս ժամի լուրերը՝ տեսանյութում։
