03.04.2026 | 23:13
NASA-ն հրապարակել է Երկրի նոր լուսանկարը
Կրեմլի կոչը Երևանին և Բաքվին՝ Ադրբեջանի կրակոցներից հետո․ Խաչատուրյանը՝ Ալիևի ճառի մասին․ Լուրեր
07.11.2022 | 20:55
- Տավուշի մարզպետ Հայկ Ղալումյանն այսօր հայտարարել է, որ 2020 թվականի Արցախյան պատերազմից հետո Տավուշի սահմաններում ոչ մի փոփոխություն տեղի չի ունեցել։ Նա հերքեց այն խոսակցությունները, որ ադրբեջանցիները վրաններ են տեղադրել հանդամասերում։
- Ռուսաստանը Հայաստանին և Ադրբեջանին հորդորում է զերծ մնալ այնպիսի գործողություններից, որոնք կարող են է’լ ավելի սրել իրավիճակը շփման գոտում: Այդ մասին ասել է Կրեմլի խոսնակ Դմիտրի Պեսկովը: Մինչ այդ Հայաստանի ՊՆ-ն հայտնել էր, որ ադրբեջանցիները գիշերը կրակել են հայկական դիրքերի ուղղությամբ, իսկ մինչ այդ Ռուսաստանի ՊՆ-ն հայտնել էր, որ Արցախում ադրբեջանցիները կրակել են գյուղատնտեսական աշխատանքներ իրականացնող հայերի ուղղությամբ։
- ՄԱԿ-ի Կլիմայի փոփոխության մասին շրջանակային կոնվենցիայի կողմերի 27-րդ համաժողովի շրջանակում Հայաստանի նախագահ Վահագն Խաչատուրյանը հանդիպել է Իրաքի նախագահ Աբդուլ Լաթիֆ Ռաշիդին։ Խաչատուրյանը մտահոգություն է հայտնել Արաբական պետությունների լիգայում Ադրբեջանի ղեկավար Իլհամ Ալիևի ելույթի կապակցությամբ, որում նա շահարկել է կրոնական գործոնը Հայաստանի դեմ ուղղված իր մեղադրանքներում՝ Լեռնային Ղարաբաղի հակամարտությանը կրոնական երանգ հաղորդելով: Նախագահն ընդգծել է, որ այդ հակամարտությունը բացարձակապես առնչություն չունի կրոնի հետ և դա ինքնորոշման իրավունքի պայքար է:
Այս ժամի լուրերը՝ տեսանյութում։
