03.07.2026 | 15:19
Գռեհիկ ռեպլիկներ են անում, պետք է կանխատեսեն, որ դա կարող է վերածվել ավելի մեծ բաների. Ավինյան. ՏԵՍԱՆՅՈՒԹ
Ի՞նչ հետևանք կարող է ունենալ Արցախում բողոքի ցույցերի շարունակությունն ու ընդլայնումը. ԵնթաԴՐՈՒԹՅՈՒՆ
Քաղաքականություն
04.06.2018 | 19:58
Հունիսի 1-ից Արցախում կենցաղային հողի վրա քաղաքացիների և ԱԱԾ աշխատակիցների միջև տեղի ունեցած ծեծկռտուքը հանրային դժգոհության ալիք է բարձրացրել: Ստեփանակերտցիներն արդեն երեք օր է՝ ցույցեր են անցկացնում՝ պահանջելով ուժային կառույցների ղեկավարների հրաժարականը:
Արցախի նախագահ Բակո Սահակյանը ընդունել է բողոքի ցույց անցկացնող քաղաքացիներին, լսել նրանց: Այսօր էլ ցույցերին զուգահեռ Արցախի խորհրդարանն է հատուկ նիստ հրավիրել՝ քննարկելու ստեղծված իրավիճակը:
Արցախի իրադարձություններին արձագանքել է նաև Հայաստանի առաջին նախագահ Լևոն Տեր-Պետրոսյանը՝ ընդգծելով, որ այն, ինչ տեղի ունեցավ Հայաստանում, անթույլատրելի է Արցախում: Նկատենք, որ Արցախ են այցելել նաև Հայաստանի որոշ քաղաքական ուժերի ներկայացուցիչներ, մասնավորապես՝ «Երկիր Ծիրանի» կուսակցության ղեկավար Զարուհի Փոստանջյանը:
Հայաստանից արձագանքը հակասական է. մի մասը նշում է՝ անհրաժեշտ է, որ թավշյա հեղափոխություն տեղի ունենա նաև Արցախում, մյուս մասը պնդում է՝ պատերազմական իրավիճակում գտնվող երկրում նման դրսևորումները կարող են վտանգավոր լինել:
Ի վերջո, Արցախում ցույցերի շարունակությունն ու ընդլայնումը, ի՞նչ հետևանք կարող է ունենալ:
Թեմայի շուրջ Factor.am-ը զրուցել է ԱԺ ՀՀԿ խմբակցության պատգամավոր Ֆելիքս Ցոլակյանի, ԱԺ Պաշտպանության և անվտանգության հարցերի մշտական հանձնաժողովի նախագահ Կորյուն Նահապետյանի, ԱԺ ՀՀԿ խմբակցության պատգամավոր Տաճատ Վարդապետյանի, ԱԺ «Ծառուկյան» խմբակցության պատգամավոր Նապոլեոն Ազիզյանի ու ԱԺ «Ծառուկյան» խմբակցության պատգամավոր Վարդան Բոստանջյանի հետ:
