13.12.2024 | 20:46
Վթար Ազատավան գյուղում. կան տուժածներ և զոհ
Մայր Աթոռի կոչը՝ ՀՀ իշխանությանը․ ՊՆ տեղակալը մեկնել է Մոսկվա՝ զենքի մատակարարման հարցերով․ Լուրեր
04.11.2022 | 19:10
- ՌԴ-ում է ՀՀ պաշտպանության նախարարի տեղակալ Կարեն Բրուտյանի պատվիրակությունը, որն այսօր հանդիպել է ՌԴ պաշտպանության նախարարի տեղակալ Ալեքսանդր Ֆոմինի հետ։ Զրուցակիցները քննարկել են երկկողմ ռազմական և ռազմատեխնիկական համագործակցության ընթացքը և այլ հարցեր:
- Գարեգին Երկրորդ Ամենայն Հայոց Կաթողիկոսի նախագահությամբ Մայր Աթոռ Սուրբ Էջմիածնում Գերագույն հոգևոր խորհրդի ժողովին անդրադարձ է կատարվել Հայաստանի և Արցախի շուրջ ստեղծված ծանր իրավիճակին։ Խորհուրդն ընդունել է հայտարարություն, որում զորակցություն է հայտնում Արցախի ժողովրդին՝ իր ինքնորոշման իրավունքի պահանջատիրության մեջ։ Հոգևոր խորհուրդը Հայաստանի իշխանությանը կոչ է անում ամեն ջանք գործի դնել բաժանարար գծերը վերացնելու, ատելության և թշնամանքի մթնոլորտը հաղթահարելու, բովանդակային առողջ երկխոսություն նախաձեռնելու ուղղությամբ
- Վեդի համայնքի ավագանու ՔՊ-ական անդամների քվեարկությամբ դադարեցվել են ավագանու մյուս, Իմ հզոր համայնք խմբակցության 11 անդամների լիազորությունները։ Այս մասին հայտարարել է համայնքի ղեկավար Գարիկ Սարգսյանը։
Այս ժամի լուրերը՝ տեսանյութում։
