06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Ադրբեջանը թույլ չի տալիս մարմինները վերցնել նաև իրենց պատերազմական հանցագործությունների ապացուցմանը խանգարելու համար․ ՀՀ ՄԻՊ․ ՏԵՍԱՆՅՈՒԹ
Քաղաքականություն
02.11.2022 | 18:12
Վերջերս հայկական կողմին հանձնվեց 10 զոհված զինծառայողի մարմին, բայց դեռևս կան տեղանքներ, որտեղ մուտք գործելու համար ադրբեջանական զինուժի կողմից հայկական կողմին չի տրամադրվում թույլտվություն։ Այս մասին ԱԺ-ում լրագրողների հետ զրույցում նշեց ՀՀ Մարդու իրավունքների պաշտպան Քրիստինե Գրիգորյանը։
«Այդ թույլտվությունը բառացի նշանակում է, որ չպետք է կրակել հայկական ուժերի ուղղությամբ, որոնք կմտնեն այդ տարածք և մարմինները դուրս կբերեն։ Այս առումով իրավիճակը մտահոգիչ է»,- ասաց Գրիգորյանը։
ՄԻՊ-ի հավաստմամբ՝ միջազգային իրավապաշտպան կազմակերպությունների ու կառույցների ներկայացուցիչների հետ հաղորդակցության ընթացքում այս հարցը միշտ ակտիվ է պահվում։
«Սա հումանիտար իրավունքի ծայրահեղ ճչացող խախտում է։ Մենք հակված ենք կարծելու, որ Ադրբեջանը թույլ չի տալիս մարմինները վերցնել նաև իրենց պատերազմական հանցագործությունների ապացուցմանը խանգարելու և դրանք քողարկելու համար։
Չեմ դադարելու այս ուղղությամբ աշխատանքներ իրականացնել․ միջազգային գործընկերերը գիտեն, որ ՀՀ ՄԻՊ-ը պահանջում է ադրբեջանցի գործընկերոջ հետ ուղղակի կոնտակ, որից դեռևս արձագանք չկա։ Մենք ապաքաղաքական կառույցներ ենք և պետք է մեր մանդատին ծառայենք հենց հումանիտար հարթակում»,- նշեց ՄԻՊ-ը։
Մանրամասները՝ տեսանյութում։
