14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
ՌԴ-ն «միջանցքի» փոխարեն կիրառում է «երթուղի» եզրույթը․ Զախարովան պատասխանել է թուրք լրագրողին
Քաղաքականություն
02.11.2022 | 17:36
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ ՌԴ-ն «Զանգեզուրի միջանցքի» փոխարեն կիրառում է «երթուղի» եզրույթը։ Նա այսպես պատասխանել է թուրքական Anadolu գործակալության հարցին՝ մեկնաբանելով, այսպես կոչված, «Զանգեզուրի միջանցքի» հեռանկարների, «Զանգեզուրի միջանցքի կազմակերպման» ջանքերի մասին հարցին։
«Դե՝ մենք օգտագործում ենք «երթուղի» եզրույթը»,- ի պատասխան՝ հայտարարել է Զախարովան։
Նրա խոսքով, Սոչիում կայացած գագաթնաժողովում քննարկվել է տարածաշրջանում տրանսպորտային կապերի ապաշրջափակման խնդիրը։
«Պայմանավորվածություն է ձեռք բերվել, որ համապատասխան աշխատանքները կշարունակվեն եռակողմ աշխատանքային խմբի շրջանակում՝ Ռուսաստանի Դաշնության, Հայաստանի և Ադրբեջանի փոխվարչապետների համատեղ նախագահությամբ, ըստ էության՝ այնպես, ինչպես սահմանված էր երեք երկրների ղեկավարների՝ 2021 թվականի հունվարի 11-ի հայտարարության մեջ»,- ասել է նա։
Հիշեցնենք, որ հոկտեմբերի 31-ին Սոչիում տեղի է ունեցել Ռուսաստանի Դաշնության, Հայաստանի և Ադրբեջանի ղեկավարների հանդիպումը, որից հետո ընդունվել է համատեղ հայտարարություն։
Տաթև Ֆռանգյան
