15.09.2026 | 18:52
Հայաստանի հավաքականի բասկետբոլիստը կխաղա ԱՄՆ-ում
Ի՞նչ հարցեր են հանվել եռակողմ հայտարարությունից. Պուտինի մեկնաբանությունը․ ՏԵՍԱՆՅՈՒԹ
Քաղաքականություն
01.11.2022 | 10:10
ՌԴ նախագահ Վլադիմիր Պուտինն հայտարարել է, որ Սոչիում Հայաստանի և Ադրբեջանի ղեկավարների հետ եռակողմ հանդիպման ժամանակ որոշ հարցերի շուրջ համաձայնության գալ չի հաջողվել, սակայն հրաժարվել է բացահայտել դրանց էությունը։ Պուտինն ընդգծել է, որ այն հարցերը, որոնց շուրջ համաձայնություն ձեռք չի բերվել, շատ նուրբ ու զգայուն են։
«Ինչ վերաբերում է այն բանին, թե ինչ հարցերի շուրջ չենք կարողացել պայմանավորվել։ Կարո՞ղ ենք դրանց մասին խոսել: Կարող ենք։ Բայց դա պարտադիր չէ։ Քանի որ եթե այդ հարցերը դեռևս կարգավորված չեն, ապա, ըստ իս, դրանց վրա պետք է կենտրոնանալ։ Դրանք երկու կողմերի համար էլ շատ զգայուն հարցեր են։ Չեմ կարծում, որ իրավունք ունեմ դրանք բացել առանց գործընկերներիս համաձայնության»,- ասել է Պուտինը։
Հիշեցնենք, որ հոկտեմբերի 31-ին Սոչիում հանդիպել են Ռուսաստանի, Հայաստանի և Ադրբեջանի ղեկավարները և քննարկել 2020 թվականի նոյեմբերի 9-ի, հունվարի 11-ի և 2021 թվականի նոյեմբերի 26-ի եռակողմ համաձայնագրերի կատարման ընթացքը։ Հանդիպման արդյունքում նոր եռակողմ հայտարարություն է ընդունվել։
Մանրամասները՝ տեսանյութում։
Տաթև Ֆռանգյան
