25.04.2024 | 16:16
ՄԻՊ-ը դժգոհեց փաստաբանների վերաբերմունքից․ ՏԵՍԱՆՅՈՒԹ
Փշերի վրա ենք․ ի՞նչ է արվում շենքերի սեյսմակայունությունը բարձրացնելու ուղղությամբ․Անդրանիկ Քոչարյան. ՏԵՍԱՆՅՈՒԹ
Տեսանյութեր
31.10.2022 | 16:36
ԱԺ պաշտպանության և անվտանգության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում ԱԻ նախարարի տեղակալ Արտյուշ Գրիգորյանն անդրադառնալով շենքերի սեյսմակայունությանը, նշեց․ «ՀՀ-ն 2020թ․ մշակել է աղետների ռիսկի նվազեցման ազգային ռազմավարություն․ դա չափազանց կարևոր փաստաթուղթ է։ Բազմաթիվ աշխատանքներ ունենք իրականացնելու․ աղետների կանխարգելման գործողությունների ուղղությամբ ևս փորձում ենք օրենսդրական կարգավորումների տեսքով կտրուկ քայլեր իրականացնել՝ հնարավոր աղետների ռիսկերը կանխարգելելու և կառավարելու նպատակով»։
«Ի՞նչ է արվում շենքերի սեյսմակայունությունը բարձրացնելու ուղղությամբ,- փոխնախարարին նաև այս հարցն ուղղեց Անդրանիկ Քոչարյանը,- ծրագրեն կա՞ն նախատեսված»։
«Սեյսմիկ ռիսկի գնահատման հետ կապված՝ իրականացնում ենք աշխատանքներ առկա՝ տասնյակ տարիների հնության շենքերի սեյսմիկ գնահատման ուղղությամբ։ Դրա համար անհրաժեշտություն չի եղել բյուջեով գումար հատկացնել, որովհետև դա սեյսմիկ ծառայության առօրյա աշխատանքի մաս է։ Որոշ ժամանակ անց կունենանք ՀՀ հին շենքերի սեյսմակայունության վերաբերյալ տեղեկություն, որի արդյունքում քննարկում կլինի և կհաշվարկվեն ծախսերը հին շենքերի սեյսմակայունության ռիսկերը նվազեցնելու ուղղությամբ։
Նաև նոր կառուցվող շենքերի սեյսմակայությունն է գնահատվում, համալիր փորձաքննություն է նշանակվում, և համապատասխան եզրակացություն ենք տալիս նախագծերին»,- նշեց Գրիգորյանը։
Մանրամասները՝ տեսանյութում։
