Ադրբեջանի փոխվարչապետը պատասխանել է Նիկոլ Փաշինյանին

Լուրեր

28.03.2024 | 16:48
Ոստիկանության բարեփոխումների 2020-2022թթ․ ռազմավարության գնահատման հետազոտություն․ ՀՔԱՎ
28.03.2024 | 16:37
Ահաբեկչության ժամանակ «Կրոկուս»-ում հրդեհաշիջման համակարգը նորմալ է աշխատել, հրդեհային ելքերը բաց են եղել. ադրբեջանցի սեփականատիրոջ որդի
28.03.2024 | 16:26
Օդի ջերմաստիճանը աստիճանաբար կբարձրանա 8-10 աստիճանով
28.03.2024 | 16:24
ՀՀ կառավարությունը 29. 94 տոննա մարդասիրական օգնություն առաքեց Գազա․ ԼՈՒՍԱՆԿԱՐՆԵՐ
28.03.2024 | 16:18
Գերմանիայում 5 մարդ մեղադրվում է հակառուսական պատժամիջոցները խախտելու մեջ․ նրանք օգնել են Siemens-ի տուրբիններ մատակարարել Ղրիմ
28.03.2024 | 16:07
Գյումրիում հանրային սննդի օբյեկտը կվերսկսի իր գործունեությունը
28.03.2024 | 15:55
Անհապաղ հայրենադարձնել Ադրբեջանում պահվող բոլոր հայ գերիներին․ զեկույց ուղղված՝ ՄԱԿ-ի Խոշտանգումների դեմ կոմիտեին՝ Ադրբեջանի 5-րդ դիտարկմանն ընդառաջ
28.03.2024 | 15:51
ԱՄՆ Կոնգրեսի պատվիրակությունը մեկնում է Թուրքիա. քննարկվելու է նաև F-16-ի հարցը
28.03.2024 | 15:44
Ուժի մեջ է մտնում տուգանքների վճարման բոնուսային համակարգը
28.03.2024 | 15:41
ԱԺ աշխատանքի և սոցիալական հարցերի մշտական հանձնաժողովի նիստը՝ ՈՒՂԻՂ
28.03.2024 | 15:36
Գերմանիան ավելացնում է զենքի սեփական պաշարները. Bloomberg
28.03.2024 | 15:25
Համոզված եմ՝ մենք կունենանք սերունդ, որը կապրի ԵՄ անդամ Հայաստանում. Էդգար Առաքելյան․ ՏԵՍԱՆՅՈՒԹ
28.03.2024 | 15:20
Բաքվում հայտարարում են Ադրբեջանի անվտանգությանը սպառնացող վտանգի մասին՝ մեղադրելով Արևմուտքին
28.03.2024 | 15:17
«Զվարթնոց»-ին սահմանապահներ են անհրաժեշտ, Մոսկվային մտահոգում է բրյուսելյան հանդիպումը․ ԼՈՒՐԵՐ
28.03.2024 | 15:09
Երթևեկության կազմակերպման փոփոխություն՝ Միկոյան – Գալշոյան փողոցների խաչմերուկում
Բոլորը

Ադրբեջանի փոխվարչապետ Շահին Մուստաֆաևը, շարունակելով իր երկրի ԱԳՆ-ի քաղաքականությունը, նույնպես որոշել է արձագանքել ՀՀ վարչապետ Նիկոլ Փաշինյանի՝ երեք անցակետերի բացման վերաբերյալ ավելի վաղ արած հայտարարությանը։

Հիշեցնենք, որ Նիկոլ Փաշինյանն ավելի վաղ թվիթերյան իր էջում գրառում էր արել տարածաշրջային հաղորդակցությունների բացման վերաբերյալ։

«Հայաստանի կառավարության որոշման նախագիծը՝ բացելու երեք անցակետ Հայաստան-Ադրբեջան սահմանին և ապահովելու Ադրբեջանի և Նախիջևանի միջև կապը, մի քանի ամիս է՝ պաշտոնապես շրջանառվում է։ Հայաստանի կառավարությունը սպասում է Ադրբեջանից դրական արձագանքի»,- գրել էր Նիկոլ Փաշինյանը։

Ադրբեջանական լրատվամիջոցները փոխանցմամբ՝ արձագանքելով՝ Մուստաֆաևը նշել է, թե Բաքվի համար այն անընդունելի է։

«Մենք Ադրբեջանի հետ սահմանին երեք անցակետեր ստեղծելու մասին Հայաստանի կառավարության որոշումը դիտարկում ենք որպես 2020 թվականի նոյեմբերի 9-ի եռակողմ հայտարարության 9-րդ կետով ստանձնած պարտավորությունների կատարման իմիտացիա։ Որովհետև նախ՝ մոնիթորինգի արդյունքների համաձայն, այդ կետերից բխող ճանապարհները, ռելիեֆային և բնակլիմայական պայմանների պատճառով, տարվա մեծ մասի ընթացքում պիտանի չեն Նախիջևանի հետ տրանսպորտային հաղորդակցության համար, առավել ևս՝ միջազգային տարանցիկ երթևեկության համար, որը ապաշրջափակման նպատակներից մեկն է։ Բացի այդ, որպես կանոն, անցակետերը բացվում են կողմերի համաձայնությամբ՝ հայելային։ Ադրբեջանի հետ այս առումով համաձայնություն չի եղել։ Ուստի, Ադրբեջանի արևմտյան շրջանների և Նախիջևանի տրանսպորտային հաղորդակցության վերաբերյալ 9-րդ կետի պայմանների չկատարման հիմնական պատճառը Հայաստանի ցանկության բացակայությունն է՝ ներկայացնել նույն մոնիթորինգով առաջարկվող օպտիմալ երթուղին»,- ասել է նա։

Մուստաֆաևը, ի դեպ, չի խոսել, թե ինչ երթուղիներ է Ադրբեջանը տրամադրելու Հայաստանին սեփական տարածքում ապաշրջափակման համատեքստում և, իհարկե, այն մասին, որ Հայաստանը նաև առաջարկել է Ադրբեջանին երթուղու մասով փաստաթուղթ ստորագրել, որից Բաքուն հրաժարվել է, փոխարենը փորձում է սեփական անհասկանալի մոնիթորինգի տվյալները որպես փաստարկ բերել։ Եվ վերջապես, ՀՀ-ն է որոշում՝ սեփական տարածքում որտեղ և ինչ անցակետ բացել։

Էմմա Չոբանյան