Տնտեսություն
01.06.2018 | 11:47ՊԵԿ-ը գնագոյացման հետ կապված գործառույթ չունի, բայց եթե գները բարձրանան ուսումնասիրություն կանցկացնի պարզելու՝ արդյոք դա հիմնավոր է եղել, թե՝ ոչ։ Այս մասին այսօր կառավարության նիստից հետո լրագրողների հետ զրույցում ասաց ՊԵԿ նախագահ Դավիթ Անանյանը: Նրա խոսքով, եթե օրենքի դաշտ գալու արդյունքում 50-60 տոկոսով գների աճ կլինի, դա կնշանակի, որ կողքի փոքր խանութները ավելի շատ մրցունակ կլինեն շրջանառության հարկի պայմաններում:
«Սուպերմարկետները ժամանակին մտածել են, որ իրենք պետք է մրցակցեն նաև իրենց հարևանությամբ գործող փոքր ու միջին կազմակերպությունների հետ՝ արհամարհելով մասշտաբի էֆեկտը: Այդպես չէ՞: Մենք մտածում ենք, որպես ՊԵԿ, որ եթե գները բարձրանան, մենք ուղղակի ուսումնասիրություններ կանենք, որպեսզի համոզվենք՝ գների բարձրացումը որքանով է արդարացված կամ արժանահավատ»,- նշեց նախարարը։
Մանրամասները՝ տեսանյութում։
