25.06.2026 | 17:07
Ընթացքի մեջ է Կարապետյանի` քաղաքացիություններից հրաժարվելու գործընթացը. Վարդևանյան․ ՏԵՍԱՆՅՈՒԹ
Տաջիկստանում ավարատվել են ՀԱՊԿ զորավարժությունները
Քաղաքականություն
21.10.2022 | 12:27
Տաջիկստանում ավարտվել են ՀԱՊԿ արագ տեղակայման հավաքական ուժերի հավաքական անվտանգության Կենտրոնա-ասիական տարածաշրջանի «Սահմանագիծ-2022» զորավարժությունները, հաղորդում է ՌԻԱ Նովոստին։
Մամուլի կենտրոնի հաղորդմամբ՝ զորավարժություններն անցկացվել են Աֆղանստանի հետ սահմանի մոտ գտնվող «Խարբմայդոն» զորավարժարանում։ Վարժանքների թեման եղել է ՀԱՊԿ-ի կողմից մարտական գործողությունների նախապատրաստումն ու անցկացումը՝ ՀԱՊԿ անդամ երկրի տարածք ներխուժած անօրինական զինված խմբավորումները ոչնչացնելը:
«Զորավարժություններն ավարտվել են Ղրղզստանից Տաջիկստանի տարածք տեղակայված ռուսական Սու-25 գրոհային ինքնաթիռների գործողություններով։ Անձնակազմը, որը գործել է ծայրահեղ ցածր բարձրության վրա, կիրառել է հրթիռային հարվածներ գրոհայինների առաջապահ ջոկատներին ՆԱՐ-Ս-24 չկառավարվող հրթիռներով»,- ասվում է հաղորդագրության մեջ։
«Խարբմայդոն» զորավարժարանում գործնական գործողություններին մասնակցել են Կենտրոնա-ասիական տարածաշրջանի պետությունների ռազմական խմբավորումները, ՀԱՊԿ քարտուղարության և Միացյալ շտաբի օպերատիվ խմբերը, ընդհանուր առմամբ մոտ 1000 զինծառայող և ավելի քան 300 միավոր ռազմական և հատուկ տեխնիկա։
Տաթև Ֆռանգյան
