09.10.2026 | 11:42
Լոռիում քննարկվել է ԱԲ-ի կիրառումը հաշմանդամություն ունեցող անձանց իրավունքների պաշտպանության համար
ՄԱԿ-ի գլխավոր քարտուղարը կոչ է արել Հնդկաստանին առաջատար դառնալ կլիմայի փոփոխության դեմ պայքարում
Քաղաքականություն
20.10.2022 | 22:32
ՄԱԿ-ի գլխավոր քարտուղար Անտոնիո Գուտերեշը կոչ է արել Հնդկաստանին դառնալ օրինակելի առաջնորդ գլոբալ տաքացման և կլիմայի փոփոխության դեմ պայքարում։ Անտոնիո Գուտերեշը երկօրյա պաշտոնական այցով գտնվում է Հնդկաստանում, որն այս տարի նշում է ՄԱԿ-ի հետ իր գործընկերության 75-ամյակը, գրում է Euronews-ը։
«Եկեք խոստանանք փոխել մեր տնտեսությունը և մեր ապրելակերպը, որպեսզի կարողանանք արդարորեն կիսել Երկրի ռեսուրսները և վերցնել միայն այն, ինչ մեզ անհրաժեշտ է: Եկեք ակնկալենք, որ Հնդկաստանը կսկսի կայուն զարգացման նոր դարաշրջան` համահունչ իր մշակույթին, պատմությանն ու ավանդույթներին, երբ ստանձնի G20-ի նախագահությունը»,- հայտարարել է Գուտերեշը՝ դիմելով Հնդկաստանի իշխանություններին ու քաղաքացիական հասարակությանը:
Հնդկաստանը, որտեղ բնակվում է մարդկության մեկ վեցերորդը, մոլորակի վրա ջերմոցային գազերի արտանետումների հիմնական աղբյուրներից մեկն է: Վերջին տարիներին ասիական այս երկիրն ինքն է զգացել գլոբալ տաքացման հետևանքները. ավելի հաճախ են գրանցվել երաշտի, հորդառատ անձրևների և ջրհեղեղների դեպքեր, որոնցից տուժում են ողջ երկրի բնակիչները։
Տաթև Ֆռանգյան
