17.01.2026 | 10:30
Մահացել է ՀՀ վաստակավոր ճարտարապետ Մուրադ Հասրաթյանը
Արագաչափերին այսուհետ կհետևեն ոստիկանությունից․ հայտնի են ձմեռային զորակոչի օրերը․ Լուրեր
Քաղաքականություն
20.10.2022 | 13:40
- ԵՄ դիտորդների 40 հոգանոց խումբն առաջիկայում կժամանի Հայաստանի Հանրապետություն։ Այս մասին կառավարության նիստի ժամանակ ասել է վարչապետ Նիկոլ Փաշինյանը։ Նա խոսել է նաև Ներքին գործերի նախարարության ձևավորման մասին և նշել է, որ մոտ են վերջնական որոշումների ընդունմանը։ Փաշինյանը նաև նշել է, որ այսօրվանից արագաչափերի կառավարումն անցնում է ոստիկանությանը։
- ՀՀ ԶՈւ ձմեռային զորակոչը նախատեսվում է անցկացնել հունվարի 9-ից մինչև հունվարի 31-ը։ Այս մասին տեղեկանում ենք Պաշտպանության նախարարության կողմից շրջանառության դրված որոշման նախագծից։ Ծառայությունն անցած զինծառայողների զորացրումը կիրականացվի 2023 թվականի փետրվարի 8-ից մինչև մարտի 31-ը ներառյալ, քանի որ 2020 թվականի ձմեռային զորակոչի ժամանակ ԶՈՒ համալրումն իրականացվել է 2021թ. փետրվարի 8-ից մինչև մարտի 31-ը ներառյալ:
- Հոկտեմբերի 21-27-ը ՀՀ կառավարության հրավերով ԵԱՀԿ-ն Հայաստան կուղարկի կարիքների գնահատման խումբ։ Այս մասին ասվում է կազմակերպության տարածած հաղորդագրության մեջ: Միջազգային փորձագետներից և ԵԱՀԿ քարտուղարության ներկայացուցիչներից կազմված տեխնիկական թիմը կայցելի հայ-ադրբեջանական սահմանի երկայնքով տարածքներ և կխորհրդակցի համապատասխան ազգային և տեղական շահագրգիռ կողմերի, ինչպես նաև տեղում միջազգային գործընկերների հետ:
Այս ժամի լուրերը՝ տեսանյութում։
