17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
ԵՄ-ն պատժամիջոցներ կսահմանի Իրանի դեմ ՌԴ-ին աջակցելու համար՝ հոկտեմբերի 20-21-ը կայանալիք գագաթնաժողովից առաջ
Քաղաքականություն
19.10.2022 | 21:37
Եվրամիությունը Ուկրաինայի դեմ պատերազմում Ռուսաստանին ցուցաբերած աջակցության համար Իրանի դեմ պատժամիջոցները կհաստատի՝ մինչև հոկտեմբերի 20-21-ը կայանալիք ԵՄ երկրների ու կառավարությունների ղեկավարների գագաթնաժողովը։ Այս մասին Բրյուսելում լրագրողների հետ զրույցում ասել է ԵՄ բարձաստիճան ներկայացուցիչը, գրում է ՏԱՍՍ-ը։
«Մենք պատժամիջոցների կիրառման գործընթացում ենք, և այն մինչ գագաթնաժողովը կավարտվի»,- ասել է նա՝ պատասխանելով համապատասխան հարցին։
Պաշտոնյան հայտնել է, որ ԵՄ անդամ պետությունների ու կառավարությունների ղեկավարները հոկտեմբերի 20-21-ի գագաթնաժողովում քննարկելու են Իրանի կողմից Ուկրաինայի պատերազմում Ռուսաստանին աջակցելու հարցը։
«Առաջնորդները հակիրճ կանդրադառնան ինչպես Իրանի ներքին ռեպրեսիաների, այնպես էլ Ռուսաստանին աջակցության հարցին»,- ասել է նա։
Էմմա Չոբանյան
