25.06.2026 | 19:40
ԵԽԽՎ-ն Վրաստանում ժողովրդավարության նահանջի վերաբերյալ քննադատական բանաձև է ընդունել
Եվրոպան միլիարդավոր եվրոներ է ծախսել` Ադրբեջանից գազ գնելու համար
Քաղաքականություն
19.10.2022 | 22:48
Անդրադրիատիկ գազատարով (TAP) Ադրբեջանից մատակարարվող գազի գնման համար ԵՄ երկրների ծախսերը երկրորդ եռամսյակում կազմել են 2,8 միլիարդ եվրո։ Այս մասին գրում է Lenta-ն՝ վկայակոչելով Եվրահանձնաժողովի (ԵՀ) տվյալները։
Առաջին եռամսյակում ԵՄ-ն այդ նպատակների համար ծախսել է 2,1 մլրդ եվրո (աճը՝ 33,3 տոկոս)։ Ընդհանուր առմամբ, առաջին կիսամյակում Եվրոպան Ադրբեջանից 4,9 մլրդ եվրոյի գազ է գնել։ Երկրորդ եռամսյակում մատակարարումների աճը տարեկան կտրվածքով կազմել է 57 տոկոս։
Ադրբեջանը պատրաստ է այս տարի 40 տոկոսով ավելացնել գազի մատակարարումները Եվրոպային, սեպտեմբերին հայտարարել է այդ երկրի էներգետիկայի նախարար Փարվիզ Շահբազովը։ Եվրոպային հաջողվել է կարճ ժամանակում փոխարինել ռուսական գազի երկու երրորդը և շարունակում է նվազեցնել կախվածությունը Մոսկվայից շատ ավելի արագ, քան նախապես ծրագրված էր, իր հերթին հայտարարել է ԵՀ ղեկավար Ուրսուլա ֆոն դեր Լեյենը։
Տաթև Ֆռանգյան
