18.05.2026 | 15:19
Թրամփի հատուկ դեսպանը ժամանել է Գրենլանդիա՝ մասնակցելու բիզնես համաժողովի
ՀանրաԴԻՏԱԿ. Ոստիկանության շնաբուծարանին 96 000 դոլար, միջատների դեմ պայքարին՝ 50 000 դոլար
Քաղաքականություն
01.06.2018 | 16:01
Նախկին իշխանությունները գրեթե ամեն տարի միլիոնավոր դրամներ էին ծախսում կրծողների, միջատների ու մակաբույծների դեմ պայքարի համար: Միայն 2018 թվականի հունվար, փետրվար և մարտ ամիսներին պետական կառավարման մարմիններն ավելի քան 24 մլն 210 հազար դրամ, մոտ 50 հազար դոլար են հատկացրել թափառող կենդանիների վնասազերծման, ախտահանման և մակաբույծների ոչնչացման ծառայությունների համար:
2017-ին էլ Ազգային անվտանգության ծառայությունը միայն ախտահանման և մակաբույծերի ոչնչացման ծառայությունների ձեռքբերման վրա ծախսել է 12 մլն 878 հազար դրամ: Ավելին, ոստիկանությունը 2018-ին նախատեսել էր շների հատուկ կացարան և շնաբուծարան կառուցել, որի համար պետական բյուջեից հատկացվել է շուրջ 96 հազար դոլար, սա այն դեպքում, երբ օրինակ՝ մարզային ավելի քան 90 դպրոց անգամ զուգարան չունի, իսկ դպրոցների 37 տոկոսն ապահովված չէ գազամատակարարմամբ:
Հարկատուներիս վրա առավել թանկ է արժեցել շների դեմ պայքարը, որի համար 2009թ. ի վեր քաղաքապետարանը ամեն տարի «Յունիգրաֆ-Իքս» ՍՊԸ-ին վճարել է մոտ 100 մլն դրամ, այսինքն շների դեմ պայքարը այս տարիներին քաղաքացիներիս վրա արժեցել է մոտ 2 մլն դոլար: Չնայած, քաղաքապետարանի և «Յունիգրաֆ-Իքս» ՍՊԸ-ի թանկ ու չհիմնավորված գործարքների խնդիրները բազմիցս բարձրաձայնվում էին, սակայն միայն այժմ, նոր կառավարության հրահանգով դրանք վերանայվեցին՝ բացահայտելով լուրջ խախտումներ:
Թե որքան ենք մենք՝ հարկատուներս, վճարել մոծակների, կրծողների, միջատների ու շների դեմ պայքարի համար՝ մանրամասն դիտեք տեսանյութում:
Գոհար Աբրահամյան
Գայանե Աբրահամյան
