29.04.2026 | 23:46
Հայաստան–ՄԱԿ համագործակցություն․ ուշադրության կենտրոնում՝ խոցելի խմբերի պաշտպանությունը
Գյումրին հրաժեշտ տվեց «Շիրակ» ֆուտբոլային ակումբի դարպասապահ՝ անհետ կորած համարվող Կարեն Կարապետյանին
Հասարակություն
18.10.2022 | 22:00
Այսօր Գյումրու «Սուրբ Գրիգոր Լուսավորիչ» եկեղեցում տեղի ունեցավ «Շիրակ» ֆուտբոլային ակումբի դարպասապահ Կարեն Կարապետյանի հոգեհանգստյան արարղությունը, որը նահատակվել էր սեպտեմբերի 13-ին՝ Ադրբեջանի կողմից ՀՀ ինքնիշխան տարածքի վրա ագրեսիվ հարձակման ժամանակ։ «Շիրակ» ֆուտբոլային ակումբից մեզ փոխանցեցին, որ նրան մինչ այս որոնում էին որպես անհետ կորած։
Նշենք՝ մի քանի օր առաջ ԱԱԾ-ն պաշտոնական հաղորդագրություն տարածեց, որ Գյումրի քաղաքի բնակիչ Բ. Պ.-ն, ներկայանալով որպես ԱԱԾ աշխատակից, 5 միլիոն ՀՀ դրամ գումար էր պահանջել համաքաղաքացի Խ. Գ.-ից՝ նրա ազգականին իբրև թե գերությունից ազատելու և ՀՀ վերադարձնելու գործընթացը կազմակերպելու համար։ Բ․Պ-ն ձերբակալվել է։ Խոսքը հենց Կարեն Կարապետյանի մասին է, որի ազգականից էլ պահանջել էին գումարը, սակայն պարզվել է, որ նա ոչ թե գերի է ընկել, այլ զոհվել։ 5 միլիոն դրամ գումար պահանջելու մեջ կասկածվող Բ․Պ-ն ոստիկանության Կումայրի բաժնի նախկին աշխատակից է, մի քանի ամիս է՝ ինչ ոստիկանությում չի աշխատում։
Արմիկ Մովսիսյան
