19.12.2025 | 17:34
Արման Ծառուկյան․ Գեյջին ու Փիմբլեթն իմ մակարդակի մարտիկներ չեն
Ես ստիպված եմ մտել ՀՀԿ, հիմա դուք ինձ ներկայացնում եք որպես կարկառուն Հանրապետական, հա՞, ամոթ է. Վարդան Ղուկասյան. ՏԵՍԱՆՅՈՒԹ
Քաղաքականություն
31.05.2018 | 16:27
Սպիտակը սև եք սարքում, սևն էլ սպիտակ, դուք եք անում և ձեր պատվիրատուները: Մինչև լրատվական դաշտը չմաքրվի, երկիրը չի կարգավորվի. վրդովված ասաց Գյումրու նախկին քաղաքապետ, ԱԺ «Ծառուկյան» խմբակցության պատգամավոր Վարդան Ղուկասյանը՝ ի պատասխան լրագրողների այն հարցի, թե այժմ ինչ ունեցվածքի է տիրապետում:
«Առաջին կոոպերատիվը Գյումրիում ես եմ ստեղծել: Մենք՝ ես և իմ եղբայրները, աշխատող մարդիկ ենք»,- իր ունեցվածքի ծագումնաբանությունը ներկայացրեց պատգամավորը:
Ապա խոսելով կուսակցական իր պատկանելիությունից, ասաց. «Հանրապետական կուսակցության համագումարներին, ես ընդհանրապես կուսակցական նշանը չեմ կպցրել, դրա փոխարեն խաչ եմ կպցրել ու ասում էի՝ խաչը թող պահապան լինի բոլորիս: 2007 թվականին, երբ ես պետք է քաղաքական հենարան ունենայի, որովհետև էդ ժամանակ էդպես էր, կուսակցությունները «խեղդում» էին քաղաքապետերին, չէին թողնում աշխատել, ես ստիպված մտել եմ կուսակցություն՝ չուզենալով: 2007-ից մինչև 2012-ը ես Հանրապետական կուսակցության խորհրդի որևէ նիստի չեմ մասնակցել: Հիմա դուք ինձ ներկայացնում եք, որպես ուժեք, կարկառուն Հանրապետական, հա՞: Ամոթ է, հերիք է պատվեր կատարեք»:
Մանրամասները՝ տեսանյութում:
