28.06.2026 | 18:55
Վթարված մեքենայում հայտնաբերվել է նախկին նախարար Գագիկ Ստամբուլցյանի մարմինը
Ժամը 11:00-ի դրությամբ իրադրությունը սահմանին հարաբերականորեն կայուն է. ՊՆ խոսնակ
Քաղաքականություն
14.10.2022 | 11:40
Ժամը 11:00-ի դրությամբ սահմանային իրավիճակը հարաբերականորեն կայուն է։ Այս մասին Factor.am-ի հետ զրույցում ասաց Պաշտպանության նախարարի մամուլի խոսնակ Արամ Թորոսյանը։
Հիշեցնենք՝ այս գիշեր ժամը 01:30-ի սահմաններում, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ: ՀՀ ԶՈՒ ստորաբաժանումները դիմել են պատասխան գործողությունների և լռեցրել են հակառակորդի կրակը:
Բացի այդ՝ Ադրբեջանի պաշտպանության նախարարությունը կրկին ապատեղեկատվություն է տարածել՝ հայտնելով, թե իբր ՀՀ ԶՈՒ ստորաբաժանումներն են կրակը բացել։ Նշենք, որ սեպտեմբերի 13-ի լայնածավալ հարձակումից հետո՝ գրեթե ամենօրյա ռեժիմով հակառակորդը տարբեր տրամաչափի զենքերով կրակոցներ է արձակում Հայաստանի տարբեր սահմանային ուղղություններով։
Հիշեցնենք, որ այս պահին Աստանայում շարունակվում է Հայաստանի ԱԳ նախարար Արարատ Միրզոյանի, Ռուսաստանի ԱԳ նախարար Սերգեյ Լավրովի և Ադրբեջանի ԱԳ նախարար Ջեյհուն Բայրամովի հանդիպումը։ Աստանայում է նաև վարչապետ Նիկոլ Փաշինյանը, նա էլ մասնակցում է ԱՊՀ պետությունների ղեկավարների խորհրդի նիստին։
Ռոզա Վարդանյան
