08.08.2026 | 12:17
15 հազար դրամի դիմաց՝ բանկային տվյալներ․ հերթական զեղծարարությունը
Պոլսահայերի «Ոմանք» երաժշտական խումբը համերգներ կտա Հայաստանում
Մշակույթ
30.05.2018 | 19:45
Ստամբուլում գործող «Ոմանք» այլընտրանքային երաժշտական խումբը համերգներով հանդես կգա Հայաստանում: Պոլսահայ երիտասարդ երաժիշտներից կազմված խումբը Հայաստանում կունենա ընդհանուր առմամբ 5 համերգ, որոնցից 3-ը տեղի կունենան երևանյան ակումբներում, իսկ 2-ը՝ Գյումրիում ու Վանաձորում. փոխանցում է ermenihaber-ը:
Համերգային շրջագայություններն անցնելու են ՀՀ Սփյուռքի նախարարության, «Դայլայլ Փրոդաքշընի», Սևան Աթաօղլուի և այլոց աջակցությամբ:
«Ոմանք»-ը Ստամբուլում այլընտրանքային երաժշտական խումբ է, որը փորձում է այսօր փոքրամասնություն դարձած հայության մշակույթի, լեզվի և տարածքների մասին տեղեկություններ տալ աշխարհին։ «Ոմանք»-ի հիմքում ընկած է ավանդական հայկական երաժշտությունը, սակայն խումբը փորձում է ընդլայնել իր սահմանները՝ կատարելով Սայաթ-Նովայից մինչև Արտո Թունջբոյաջյան, երգերի վերածելով Դանիել Վարուժանի բանաստեղծությունները։
