16.09.2026 | 14:06
Տերը, ձեր պատկերացմամբ, Ռուսաստանն է, դրա համար եք ասում՝ անտեր կմնանք․ Մինասյանը՝ Ֆարմանյանին․ ՏԵՍԱՆՅՈՒԹ
ԱՊՀ հանդիպումը՝ Փաշինյանի, Պուտինի, Ալիևի մասնակցությամբ․ ԼՂ ԱԺ կոչը՝ ՄԱԿ-ի անդամ երկրներին․ Լուրեր
07.10.2022 | 18:45
- Վարչապետ Նիկոլ Փաշինյանը Սանկտ Պետերբուրգում մասնակցել է ԱՊՀ երկրների ղեկավարների ոչ պաշտոնական հանդիպմանը։ Միջոցառմանը մասնակցել են նաև ՌԴ նախագահ Վլադիմիր Պուտինը, Ադրբեջանի ղեկավար Իլհամ Ալիևը և այլն: Պուտինը նշել է, որ այսօրվա ոչ պաշտոնական հանդիպմանը հնարավորություն կունենան քննարկել հաջորդ շաբաթ Աստանայում կայանալիք ԱՊՀ գագաթնաժողովում քննարկվելիք հարցերն ու թեմաները: Պուտինը նաև ասել է, որ անհրաժեշտ է համարում ԱՊՀ ներսում հակամարտությունների լուծման միջոցներ մշակելը
- Ադրբեջանի տարածքային ամբողջականությունը ոչ մի կապ չունի Լեռնային Ղարաբաղի Հանրապետության հետ: Այս մասին նշվում է Արցախի խորհրդարանի հինգ խմբակցությունների հայտարարության մեջ։ Դրանում խմբակցությունները կոչ են անում ԵԱՀԿ Մինսկի խմբի համանախագահ երկրներին՝ Ռուսաստանի Դաշնությանը, Ամերիկայի Միացյալ Նահանգներին, Ֆրանսիային և ՄԱԿ անդամ մյուս 190 պետություններին ճանաչել Լեռնային Ղարաբաղի Հանրապետությունը, դրանով իսկ ի չիք դարձնելով նրա բնակչության առջև ծառացած գոյաբանական լրջագույն սպառնալիքները։
- Թուրքիան Կիպրոսի հյուսիսում հարվածային անօդաչու թռչող սարքեր է տեղակայել,չի բացառում նաև կղզի զենքի նոր մատակարարումը։ Այս մասին հայտարարել է երկրի նախագահ Ռեջեփ Թայիփ Էրդողանը: Նա ասել է, թե դա իրենց իրավունքն է։ Հիշեցնենք, որ Թուրքիան 1974 թվականից օկուպացված է պահում կղզու հյուսիսային հատվածը։
Այս ժամի լուրերը՝ տեսանյութում։
