26.08.2026 | 11:16
Ջերմաստիճանը կնվազի 7-9 աստիճանով․ սպասվում են անձրև, կարկուտ և ուժեղ քամի
ԵՄ-ն պահանջում է հետաքննել Ադրբեջանի կողմից ենթադրյալ ռազմական հանցագործությունները
Քաղաքականություն
04.10.2022 | 17:39
Եվրամիությունը պահանջում է հետաքննել հնարավոր պատերազմական հանցագործությունները՝ ադրբեջանական զինվորական համազգեստով մարդկանց կողմից հայ ռազմագերիներին մահապատժի ենթարկելու տեսանյութից հետո:
ԵՄ արտաքին քաղաքականության մասնաճյուղի խոսնակ Փիթեր Ստանոն լրագրողների հետ զրույցում ասել է, որ տեսանյութը, եթե ապացուցվի դրա իսկությունը, ցուցադրում է ռազմական հանցագործություններ և միջազգային իրավունքի ակնհայտ խախտում: Նա նաև հայտարարել է, որ հետաքննությունը պետք է իրականացնի Ադրբեջանը՝ նշելով, որ ԵՄ-ն հետաքննող որևէ լիազորություն չունի:
«Ադրբեջանի իշխանությունների շահերից է բխում հետաքննելն ու աշխարհին ապացուցելը, որ դա երկրի քաղաքականությունը չէ»,- ասել է նա:
EUobserver-ը նշում է, որ ռազմական հանցագործության վերջին մեղադրանքները կարող են սրել առանց այն էլ լարված հարաբերությունները Հայաստանի և Ադրբեջանի միջև, որոնք երկու պատերազմ են մղել Լեռնային Ղարաբաղի տարածաշրջանի համար:
Տաթև Ֆռանգյան
