06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ա․ Քոչարյանը դիմել է ՆԱՏՕ-ի գործընկերներին․ ՊՆ պաշտոնյաներն այցելել են ԱՄՆ ռազմական բուհեր․ Լուրեր
Քաղաքականություն
03.10.2022 | 16:14
- Հայաստանի և Ադրբեջանի ԱԳ նախարարների հանդիպման ժամանակ հայկակա՛ն կողմն է առաջարկել փոխվարչապետների հետ համաձայնեցնել հոկտեմբերին հանդիպելու հնարավորությունը։ Այս մասին ՀՀ ԱԳՆ խոսնակը հայտնել է Factor TV-ին։ Մինչ այդ ադրբեջանական կողմը հայտարարել էր, թե իրենք առաջարկել են սահմանազատման և սահմանային անվտանգության հարցերով հանձնաժողովի նիստը նոյեմբերի փոխարեն անցկացնել հոկտեմբերին։
- ՀՀ ԱԺ-ից հայտնում են, որ խորհրդարանի պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը գրությունով դիմել է ՆԱՏՕ-ի անդամ պետությունների իր կոլեգաներին` ներկայացնելով Ադրբեջանի ԶՈւ կողմից արված վայրագությունները հայ զինծառայողների նկատմամբ և կոչ արել ձեռնարկել համապատասխան քայլեր նմանօրինակ անմարդկային գործողությունները դատապարտելու վերաբերյալ:
- ՀՀ ՊՆ պաշտոնատար անձինք ՆԱՏՕ-ի ռազմական կրթության կատարելագործման ծրագրի (DEEP) շրջանակում այցելել են Միացյալ Նահանգների մի շարք ուսումնական հաստատություններ։ ՊՆ-ից հայտնել են, որ Միացյալ Նահանգները պատրաստ է համագործակցել Հայաստանի հետ մեր պետությունների պաշտպանության համար ազդեցիկ առաջնորդների պատրաստման գործում։
Այս ժամի լուրերը՝ տեսանյութում։
