14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Ուկրաինայում ՀՀ դեսպանը հանդիպել է Զակարպատիեի հայ համայնքի ներկայացուցիչներին
Հասարակություն
02.10.2022 | 20:18
Ուժգորոդում գործարար համաժողովին մասնակցող դեսպան Վ. Կարապետյանը հոկտեմբերի 1-ին հանդիպել էր Զակարպատիեի հայ համայնքի ներկայացուցիչների հետ: Հանդիպման ընթացքում դեսպան Կարապետյանը անդրադարձել է հայ-ուկրաինական հարաբերություններին, Հայաստանում և մեր երկրի շուրջ տեղի ունեցող զարգացումներին, պատմել է դեսպանատան գործունեության մասին: Դեսպանն ու հանդիպմանը մասնակցող դեսպանության հյուպատոս Զարուհի Սրապյանը ծանոթացել են Զակարպատիեում ՀՀ քաղաքացիների խնդիրներին, պատասխանեցին հարցերին:
Ինչպես տեղեկացնում են Ուկրաինայում Հայաստանի դեսպանությունից՝ նրանք վստահեցրել են հավաքվածներին, որ դեսպանությունը շարունակելու է սերտ շփումը Ուկրաինայում ապրող ՀՀ քաղաքացիների հետ, անհրաժեշտ աջակցություն ցուցաբերելով այն քաղաքացիներին, որոնք ունեն դրա կարիքը: Հանդիպմանը մասնակցում էր նաև Ուկրաինայի հայերի միության նախագահի տեղակալ Դավիթ Մկրտչյանը:
