07.08.2026 | 18:36
Ժաննա Անդրեասյանն ընդունել է աշխարհի Մ17 առաջնությունում հաջողությամբ հանդես եկած հայ պատանի ըմբիշներին
ՄՕԿ-ի հանձնաժողովում ընդգրկվել են հավասար թվով տղամարդիկ և կանայք․ ՀԱՕԿ
30.09.2022 | 23:11
Միջազգային օլիմպիական կոմիտեի նախագահ Թոմաս Բախը հաստատել է կազմակերպության հանձնաժողովների անդամներին: ՄՕԿ-ի ջանքերի շնորհիվ նրանցում ընդգրկվել են հավասար թվով կանայք և տղամարդիկ, հայտնում է ՀԱՕԿ-ը։
Դա կարևոր գործընթաց է «Օլիմպիական օրակարգ – 2020 + 5 »-ի հիմնական առաջարկություներից մեկի ՝ գենդերային հավասարությունը պահպանելու հարցում:
ՄՕԿ-ի հանձնաժողովներում կա 546 ներկայացուցիչ, որից 273 – ը տղամարդիկ են, 273-ը՝ կանայք։ Մինչդեռ 2013թ. հանձնաժողովների պաշտոնների միայն 20 տոկոսն էին զբաղեցնում կանայք:
Այդ կառույցները կարևոր դեր են խաղում կազմակերպության աշխատանքներում: Նրանք կենտրոնանում են կոնկրետ ոլորտների վրա և հանդես են գալիս առաջարկություններով:
Յուրաքանչյուր հանձնաժողովում ընդգրկված են նաև ՄՕԿ –ի անդամներ և անկախ փորձագետներ:
Առաջին անգամ ՄՕԿ-ի մարզիկների հանձնաժողովում կան փախստականների օլիմպիական հավաքականի մարզիկ- մարզուհիներ:
Նոր կառուցվածքը արտահայտում է ՄՕԿ-ի օրակարգի ռազմավարական նպատակները:
